Top 20 Shayari on Akhbaar

khīñcho na kamānoñ ko na talvār nikālo

jab top muqābil ho to aḳhbār nikālo

khincho na kamanon ko na talwar nikalo

jab top muqabil ho to aKHbar nikalo

hamāre shahr ke logoñ kā ab ahvāl itnā hai

kabhī aḳhbār paḌh lenā kabhī aḳhbār ho jaanā

hamare shahr ke logon ka ab ahwal itna hai

kabhi aKHbar paDh lena kabhi aKHbar ho jaana

is vaqt vahāñ kaun dhuāñ dekhne jaa.e

aḳhbār meñ paḌh leñge kahāñ aag lagī thī

is waqt wahan kaun dhuan dekhne jae

aKHbar mein paDh lenge kahan aag lagi thi

das baje raat ko so jaate haiñ ḳhabreñ sun kar

aañkh khultī hai to aḳhbār talab karte haiñ

das baje raat ko so jate hain KHabren sun kar

aankh khulti hai to aKHbar talab karte hain

surḳhiyāñ ḳhuun meñ Duubī haiñ sab aḳhbāroñ kī

aaj ke din koī aḳhbār na dekhā jaa.e

surKHiyan KHun mein Dubi hain sab aKHbaron ki

aaj ke din koi aKHbar na dekha jae

ishq aḳhbār kab kā band huā

dil mirā āḳhirī shumāra hai

ishq aKHbar kab ka band hua

dil mera aaKHiri shumara hai

raat ke lamhāt ḳhūnī dāstāñ likhte rahe

sub.h ke aḳhbār meñ hālāt behtar ho ga.e

raat ke lamhat KHuni dastan likhte rahe

subh ke aKHbar mein haalat behtar ho gae

aise mar jaa.eñ koī naqsh na chhoḌeñ apnā

yaad dil meñ na ho aḳhbār meñ tasvīr na ho

aise mar jaen koi naqsh na chhoDen apna

yaad dil mein na ho aKHbar mein taswir na ho

adl-gāheñ to duur kī shai haiñ

qatl aḳhbār tak nahīñ pahuñchā

adl-gahen to dur ki shai hain

qatl aKHbar tak nahin pahuncha

'vasīm' zehn banāte haiñ to vahī aḳhbār

jo le ke ek bhī achchhī ḳhabar nahīñ aate

'wasim' zehn banate hain to wahi aKHbar

jo le ke ek bhi achchhi KHabar nahin aate

chashm-e-jahāñ se hālat-e-aslī chhupī nahīñ

aḳhbār meñ jo chāhiye vo chhāp dījiye

chashm-e-jahan se haalat-e-asli chhupi nahin

aKHbar mein jo chahiye wo chhap dijiye

nāḳhudā dekh rahā hai ki maiñ girdāb meñ huuñ

aur jo pul pe khaḌe log haiñ aḳhbār se haiñ

naKHuda dekh raha hai ki main girdab mein hun

aur jo pul pe khaDe log hain aKHbar se hain

kuchh ḳhabroñ se itnī vahshat hotī hai

hāthoñ se aḳhbār ulajhne lagte haiñ

kuchh KHabron se itni wahshat hoti hai

hathon se aKHbar ulajhne lagte hain

chehre pe jo likhā hai vahī us ke dil meñ hai

paḌh lī haiñ surḳhiyāñ to ye aḳhbār pheñk de

chehre pe jo likha hai wahi us ke dil mein hai

paDh li hain surKHiyan to ye aKHbar phenk de

aḳhbār meñ rozāna vahī shor hai yaanī

apne se ye hālāt sañvar kyuuñ nahīñ jaate

aKHbar mein rozana wahi shor hai yani

apne se ye haalat sanwar kyun nahin jate

kuchh harf o suḳhan pahle to aḳhbār meñ aayā

phir ishq mirā kūcha o bāzār meñ aayā

kuchh harf o suKHan pahle to aKHbar mein aaya

phir ishq mera kucha o bazar mein aaya

rāt-bhar sochā kiye aur sub.h-dam aḳhbār meñ

apne hāthoñ apne marne kī ḳhabar dekhā kiye

raat-bhar socha kiye aur subh-dam aKHbar mein

apne hathon apne marne ki KHabar dekha kiye

arse se is dayār kī koī ḳhabar nahīñ

mohlat mile to aaj kā aḳhbār dekh leñ

arse se is dayar ki koi KHabar nahin

mohlat mile to aaj ka aKHbar dekh len

tujhe shanāḳht nahīñ hai mire lahū kī kyā

maiñ roz sub.h ke aḳhbār se nikaltā huuñ

tujhe shanaKHt nahin hai mere lahu ki kya

main roz subh ke aKHbar se nikalta hun

khulegā un pe jo bainassutūr paḌhte haiñ

vo harf harf jo aḳhbār meñ nahīñ aatā

khulega un pe jo bainassutur paDhte hain

wo harf harf jo aKHbar mein nahin aata