Top 20 Dard Shayari

ab to ḳhushī kā ġham hai na ġham kī ḳhushī mujhe

be-his banā chukī hai bahut zindagī mujhe

ab to KHushi ka gham hai na gham ki KHushi mujhe

be-his bana chuki hai bahut zindagi mujhe

ishq se tabī.at ne ziist kā mazā paayā

dard kī davā paa.ī dard-e-be-davā paayā

ishq se tabiat ne zist ka maza paya

dard ki dawa pai dard-e-be-dawa paya

ḳhanjar chale kisī pe taḌapte haiñ ham 'amīr'

saare jahāñ kā dard hamāre jigar meñ hai

KHanjar chale kisi pe taDapte hain hum 'amir'

sare jahan ka dard hamare jigar mein hai

be-nām sā ye dard Thahar kyuuñ nahīñ jaatā

jo biit gayā hai vo guzar kyuuñ nahīñ jaatā

be-nam sa ye dard Thahar kyun nahin jata

jo bit gaya hai wo guzar kyun nahin jata

dostoñ ko bhī mile dard kī daulat yā rab

merā apnā hī bhalā ho mujhe manzūr nahīñ

doston ko bhi mile dard ki daulat ya rab

mera apna hi bhala ho mujhe manzur nahin

ab ye bhī nahīñ Thiik ki har dard miTā deñ

kuchh dard kaleje se lagāne ke liye haiñ

ab ye bhi nahin Thik ki har dard miTa den

kuchh dard kaleje se lagane ke liye hain

aaj to dil ke dard par hañs kar

dard kā dil dukhā diyā maiñ ne

aaj to dil ke dard par hans kar

dard ka dil dukha diya main ne

rahā na dil meñ vo bedard aur dard rahā

muqīm kaun huā hai maqām kis kā thā

raha na dil mein wo bedard aur dard raha

muqim kaun hua hai maqam kis ka tha

dard ho dil meñ to davā kiije

aur jo dil hī na ho to kyā kiije

dard ho dil mein to dawa kije

aur jo dil hi na ho to kya kije

aadat ke ba.ad dard bhī dene lagā mazā

hañs hañs ke aah aah kiye jā rahā huuñ maiñ

aadat ke baad dard bhi dene laga maza

hans hans ke aah aah kiye ja raha hun main

dard-e-dil kitnā pasand aayā use

maiñ ne jab kī aah us ne vaah kī

dard-e-dil kitna pasand aaya use

main ne jab ki aah us ne wah ki

kuchh dard kī shiddat hai kuchh pās-e-mohabbat hai

ham aah to karte haiñ fariyād nahīñ karte

kuchh dard ki shiddat hai kuchh pas-e-mohabbat hai

hum aah to karte hain fariyaad nahin karte

dil sarāpā dard thā vo ibtidā-e-ishq thī

intihā ye hai ki 'fānī' dard ab dil ho gayā

dil sarapa dard tha wo ibtida-e-ishq thi

intiha ye hai ki 'fani' dard ab dil ho gaya

jab ki pahlū se yaar uThtā hai

dard be-iḳhtiyār uThtā hai

jab ki pahlu se yar uThta hai

dard be-iKHtiyar uThta hai

haal tum sun lo mirā dekh lo sūrat merī

dard vo chiiz nahīñ hai ki dikhā.e koī

haal tum sun lo mera dekh lo surat meri

dard wo chiz nahin hai ki dikhae koi

mire laboñ kā tabassum to sab ne dekh liyā

jo dil pe biit rahī hai vo koī kyā jaane

mere labon ka tabassum to sab ne dekh liya

jo dil pe bit rahi hai wo koi kya jaane

ab to ye bhī nahīñ rahā ehsās

dard hotā hai yā nahīñ hotā

ab to ye bhi nahin raha ehsas

dard hota hai ya nahin hota

ġham meñ kuchh ġham kā mashġhalā kiije

dard kī dard se davā kiije

gham mein kuchh gham ka mashghala kije

dard ki dard se dawa kije

yaaro na.e mausam ne ye ehsān kiye haiñ

ab yaad mujhe dard purāne nahīñ aate

yaro nae mausam ne ye ehsan kiye hain

ab yaad mujhe dard purane nahin aate

haath rakh rakh ke vo siine pe kisī kā kahnā

dil se dard uThtā hai pahle ki jigar se pahle

hath rakh rakh ke wo sine pe kisi ka kahna

dil se dard uThta hai pahle ki jigar se pahle