info iconClick on any word for its meaning

aa jaatā vo raah par 'ġhālib'


koī din aur bhī jiye hote

aa.e hai bekasī-e-ishq pe ronā 'ġhālib'


kis ke ghar jā.egā sailāb-e-balā mere ba.ad

ā.īna dekh apnā muñh le ke rah ga.e


sāhab ko dil na dene pe kitnā ġhurūr thā

ā.īna kyuuñ na duuñ ki tamāshā kaheñ jise


aisā kahāñ se lā.ūñ ki tujh kaheñ jise

aañkh tasvīr sar-naame pe khīñchī hai ki


tujh pe khul jaave ki is ko hasrat-e-dīdār hai

āgahī daam-e-shunīdan jis qadar chāhe bichhā.e


mudda.ā anqā hai apne aalam-e-taqrīr

aage aatī thī haal-e-dil pe hañsī


ab kisī baat par nahīñ aatī

aah ko chāhiye ik umr asar hote tak


kaun jiitā hai tirī zulf ke sar hote tak

aaj ham apnī pareshāni-e-ḳhātir un se


kahne jaate to haiñ par dekhiye kyā kahte haiñ

aaj vaañ teġh o kafan bāñdhe hue jaatā huuñ maiñ


uzr mere qatl karne meñ vo ab lāveñge kyā

āshiq huuñ pa māshūq-farebī hai mirā kaam


majnūñ ko burā kahtī hai lailā mire aage

āshiqī sabr-talab aur tamannā betāb


dil kyā rañg karūñ ḳhuun-e-jigar hote tak

aatā hai daaġh-e-hasrat-e-dil shumār yaad


mujh se mire gunah hisāb ai ḳhudā na maañg

aate haiñ ġhaib se ye mazāmīñ ḳhayāl meñ


'ġhālib' sarīr-e-ḳhāma navā-e-sarosh hai

ātish-e-dozaḳh meñ ye garmī kahāñ


soz-e-ġham-hā-e-nihānī aur hai

ab jafā se bhī haiñ mahrūm ham allāh allāh


is qadar dushman-e-arbāb-e-vafā ho jaanā

adā-e-ḳhaas se 'ġhālib' huā hai nukta-sarā


salā-e-aam hai yārān-e-nukta-daañ ke liye

agar ġhaflat se baaz aayā jafā


talāfī bhī zālim ne to kyā

agle vaqtoñ ke haiñ ye log inheñ kuchh na kaho


jo mai o naġhma ko andoh-rubā kahte haiñ

allāh re zauq-e-dasht-navardī ki ba.ad-e-marg


hilte haiñ ḳhud-ba-ḳhud mire andar kafan ke paañv

apnā nahīñ ye sheva ki ārām se baiTheñ


us dar pe nahīñ baar to ka.abe ko ho aa.e

apnī galī meñ mujh ko na kar dafn baad-e-qatl


mere pate se ḳhalq ko kyuuñ terā ghar mile

apnī hastī se ho jo kuchh ho


āgahī gar nahīñ ġhaflat sahī

arz-e-niyāz-e-ishq ke qābil nahīñ rahā


jis dil pe naaz thā mujhe vo dil nahīñ rahā

SEE ALL

RELATED VIDEOS

SHAYARI IMAGE

Asrar ul Haq Majaz