Bashir Badr's Photo'

Bashir Badr

1935 - | Bhopal, India

Popular poet and recipient of Sahitya Academy Award and Padamshree.

āñkhoñ meñ rahā dil meñ utar kar nahīñ dekhā

kashtī ke musāfir ne samundar nahīñ dekhā

aankhon mein raha dil mein utar kar nahin dekha

kashti ke musafir ne samundar nahin dekha

āshiqī meñ bahut zarūrī hai

bevafā.ī kabhī kabhī karnā

aashiqi mein bahut zaruri hai

bewafai kabhi kabhi karna

  • Share this

abhī raah meñ ka.ī moḌ haiñ koī aa.egā koī jā.egā

tumheñ jis ne dil se bhulā diyā use bhūlne duā karo

abhi rah mein kai moD hain koi aaega koi jaega

tumhein jis ne dil se bhula diya use bhulne ki dua karo

achchhā tumhāre shahar dastūr ho gayā

jis ko gale lagā liyā vo duur ho gayā

achchha tumhaare shahar ka dastur ho gaya

jis ko gale laga liya wo dur ho gaya

agar fursat mile paanī tahrīroñ ko paḌh lenā

har ik dariyā hazāroñ saal afsāna likhtā hai

agar fursat mile pani ki tahriron ko paDh lena

har ek dariya hazaron sal ka afsana likhta hai

agar talāsh karūñ koī mil jā.egā

magar tumhārī tarah kaun mujh ko chāhegā

agar talash karun koi mil hi jaega

magar tumhaari tarah kaun mujh ko chahega

ahbāb bhī ġhairoñ adā siikh ga.e haiñ

aate haiñ magar dil ko dukhāne nahīñ aate

ahbab bhi ghairon ki ada sikh gae hain

aate hain magar dil ko dukhane nahin aate

ajab charāġh huuñ din raat jaltā rahtā huuñ

maiñ thak gayā huuñ havā se kaho bujhā.e mujhe

ajab charagh hun din raat jalta rahta hun

main thak gaya hun hawa se kaho bujhae mujhe

ajiib raat thī kal tum bhī aa ke lauT ga.e

jab aa ga.e the to pal bhar Thahar ga.e hote

ajib raat thi kal tum bhi aa ke lauT gae

jab aa gae the to pal bhar Thahar gae hote

ajiib shaḳhs hai nārāz ho ke hañstā hai

maiñ chāhtā huuñ ḳhafā ho to vo ḳhafā lage

ajib shaKHs hai naraaz ho ke hansta hai

main chahta hun KHafa ho to wo KHafa hi lage

baḌe logoñ se milne meñ hamesha fāsla rakhnā

jahāñ dariyā samundar se milā dariyā nahīñ rahtā

baDe logon se milne mein hamesha fasla rakhna

jahan dariya samundar se mila dariya nahin rahta

  • Share this

bahut ajiib hai ye qurbatoñ duurī bhī

vo mere saath rahā aur mujhe kabhī na milā

bahut ajib hai ye qurbaton ki duri bhi

wo mere sath raha aur mujhe kabhi na mila

bahut dinoñ se hai dil apnā ḳhālī ḳhālī

ḳhushī nahīñ to udāsī se bhar ga.e hote

bahut dinon se hai dil apna KHali KHali sa

KHushi nahin to udasi se bhar gae hote

bahut dinoñ se mire saath thī magar kal shaam

mujhe patā chalā vo kitnī ḳhūbsūrat hai

bahut dinon se mere sath thi magar kal sham

mujhe pata chala wo kitni KHubsurat hai

be-vaqt agar jā.ūñgā sab chauñk paḌeñge

ik umr huī din meñ kabhī ghar nahīñ dekhā

be-waqt agar jaunga sab chaunk paDenge

ek umr hui din mein kabhi ghar nahin dekha

bhalā ham mile bhī to kyā mile vahī dūriyāñ vahī fāsle

na kabhī hamāre qadam baḌhe na kabhī tumhārī jhijak ga.ī

bhala hum mile bhi to kya mile wahi duriyan wahi fasle

na kabhi hamare qadam baDhe na kabhi tumhaari jhijak gai

bhuul shāyad bahut baḌī kar

dil ne duniyā se dostī kar

bhul shayad bahut baDi kar li

dil ne duniya se dosti kar li

  • Share this

bichhī thiiñ har taraf āñkheñ āñkheñ

koī aañsū girā thā yaad hogā

bichhi thin har taraf aankhen hi aankhen

koi aansu gira tha yaad hoga

chāñd misra akelā hai mire kāġhaz par

chhat pe aa jaao mirā sher mukammal kar do

chand sa misra akela hai mere kaghaz par

chhat pe aa jao mera sher mukammal kar do

  • Share this

charāġhoñ ko āñkhoñ meñ mahfūz rakhnā

baḌī duur tak raat raat hogī

charaghon ko aankhon mein mahfuz rakhna

baDi dur tak raat hi raat hogi

daadā baḌe bhole the sab se yahī kahte the

kuchh zahr bhī hotā hai añgrezī davāoñ meñ

dada baDe bhole the sab se yahi kahte the

kuchh zahr bhi hota hai angrezi dawaon mein

dil bastī purānī dillī hai

jo bhī guzrā hai us ne luuTā hai

dil ki basti purani dilli hai

jo bhi guzra hai us ne luTa hai

  • Share this

dil ujḌī huī ek sarā.e tarah hai

ab log yahāñ raat jagāne nahīñ aate

dil ujDi hui ek sarae ki tarah hai

ab log yahan raat jagane nahin aate

din meñ pariyoñ koī kahānī na sun

jañgaloñ meñ musāfir bhaTak jā.eñge

din mein pariyon ki koi kahani na sun

jangalon mein musafir bhaTak jaenge

duā karo ki ye paudā sadā harā lage

udāsiyoñ meñ bhī chehra khilā khilā lage

dua karo ki ye pauda sada hara hi lage

udasiyon mein bhi chehra khila khila hi lage

dushmanī jam kar karo lekin ye gunjā.ish rahe

jab kabhī ham dost ho jaa.eñ to sharminda na hoñ

bear enmity with all your might, but this we should decide

if ever we be friends again, we are not mortified

dushmani jam kar karo lekin ye gunjaish rahe

jab kabhi hum dost ho jaen to sharminda na hon

bear enmity with all your might, but this we should decide

if ever we be friends again, we are not mortified

dushmanī safar ik qadam do qadam

tum bhī thak jāoge ham bhī thak jā.eñge

dushmani ka safar ek qadam do qadam

tum bhi thak jaoge hum bhi thak jaenge

ek aurat se vafā karne ye tohfa milā

jaane kitnī auratoñ bad-duā.eñ saath haiñ

ek aurat se wafa karne ka ye tohfa mila

jaane kitni auraton ki bad-duaen sath hain

  • Share this

gale meñ us ke ḳhudā ajiib barkat hai

vo boltā hai to ik raushnī hotī hai

gale mein us ke KHuda ki ajib barkat hai

wo bolta hai to ek raushni si hoti hai

  • Share this

ġhazloñ hunar apnī āñkhoñ ko sikhā.eñge

ro.eñge bahut lekin aañsū nahīñ ā.eñge

ghazlon ka hunar apni aankhon ko sikhaenge

roenge bahut lekin aansu nahin aaenge

ġhazloñ ne vahīñ zulfoñ ke phailā diye saa.e

jin rāhoñ pe dekhā hai bahut dhuup kaḌī hai

ghazlon ne wahin zulfon ke phaila diye sae

jin rahon pe dekha hai bahut dhup kaDi hai

  • Share this

ghar nayā bartan na.e kapḌe na.e

in purāne kāġhazoñ kyā kareñ

ghar naya bartan nae kapDe nae

in purane kaghazon ka kya karen

  • Share this

gharoñ pe naam the nāmoñ ke saath ohde the

bahut talāsh kiyā koī aadmī na milā

gharon pe nam the namon ke sath ohde the

bahut talash kiya koi aadmi na mila

guftugū un se roz hotī hai

muddatoñ sāmnā nahīñ hotā

daily I converse with her in my fantasy

very seldom is she ever face to face with me

guftugu un se roz hoti hai

muddaton samna nahin hota

daily I converse with her in my fantasy

very seldom is she ever face to face with me

hañso aaj itnā ki is shor meñ

sadā siskiyoñ sunā.ī na de

hanso aaj itna ki is shor mein

sada siskiyon ki sunai na de

haath meñ chāñd jahāñ aayā muqaddar chamkā

sab badal jā.egā qismat likhā jaam uThā

hath mein chand jahan aaya muqaddar chamka

sab badal jaega qismat ka likha jam uTha

hai ajiib shahr zindagī na safar rahā na qayām hai

kahīñ kārobār dopahr kahīñ bad-mizāj shaam hai

hai ajib shahr ki zindagi na safar raha na qayam hai

kahin karobar si dopahr kahin bad-mizaj si sham hai

ham bhī dariyā haiñ hameñ apnā hunar mālūm hai

jis taraf bhī chal paḌeñge rāsta ho jā.egā

hum bhi dariya hain hamein apna hunar malum hai

jis taraf bhi chal paDenge rasta ho jaega

ham dillī bhī ho aa.e haiñ lahore bhī ghūme

ai yaar magar terī galī terī galī hai

hum dilli bhi ho aae hain lahore bhi ghume

ai yar magar teri gali teri gali hai

  • Share this

ham ne to bāzār meñ duniyā bechī aur ḳharīdī hai

ham ko kyā ma.alūm kisī ko kaise chāhā jaatā hai

hum ne to bazar mein duniya bechi aur KHaridi hai

hum ko kya malum kisi ko kaise chaha jata hai

  • Share this

ham to kuchh der hañs bhī lete haiñ

dil hamesha udaas rahtā hai

hum to kuchh der hans bhi lete hain

dil hamesha udas rahta hai

  • Share this

haqīqatoñ meñ zamāna bahut guzār chuke

koī kahānī sunāo baḌā añdherā hai

haqiqaton mein zamana bahut guzar chuke

koi kahani sunao baDa andhera hai

har dhaḌakte patthar ko log dil samajhte haiñ

umreñ biit jaatī haiñ dil ko dil banāne meñ

har dhaDakte patthar ko log dil samajhte hain

umren bit jati hain dil ko dil banane mein

hasīñ to aur haiñ lekin koī kahāñ tujh

jo dil jalā.e bahut phir bhī dilrubā lage

hasin to aur hain lekin koi kahan tujh sa

jo dil jalae bahut phir bhi dilruba hi lage

hayāt aaj bhī kanīz hai huzūr-e-jabr meñ

jo zindagī ko jiit le vo zindagī mard hai

hayat aaj bhi kaniz hai huzur-e-jabr mein

jo zindagi ko jit le wo zindagi ka mard hai

  • Share this

hazāroñ sher mere so ga.e kāġhaz qabroñ meñ

ajab maañ huuñ koī bachcha mirā zinda nahīñ rahtā

hazaron sher mere so gae kaghaz ki qabron mein

ajab man hun koi bachcha mera zinda nahin rahta

ijāzat ho to maiñ ik jhuuT bolūñ

mujhe duniyā se nafrat ho ga.ī hai

ijazat ho to main ek jhuT bolun

mujhe duniya se nafrat ho gai hai

  • Share this

ik shaam ke saa.e tale baiThe rahe vo der tak

āñkhoñ se bāteñ bahut muñh se kahā kuchh bhī nahīñ

ek sham ke sae tale baiThe rahe wo der tak

aankhon se ki baaten bahut munh se kaha kuchh bhi nahin

is shahr ke bādal tirī zulfoñ tarah haiñ

ye aag lagāte haiñ bujhāne nahīñ aate

is shahr ke baadal teri zulfon ki tarah hain

ye aag lagate hain bujhane nahin aate

isī liye to yahāñ ab bhī ajnabī huuñ maiñ

tamām log farishte haiñ aadmī huuñ maiñ

isi liye to yahan ab bhi ajnabi hun main

tamam log farishte hain aadmi hun main

  • Share this
Load More

Added to your favorites

Removed from your favorites