ujāle apnī yādoñ ke hamāre saath rahne do

na jaane kis galī meñ zindagī kī shaam ho jaa.e

ujale apni yaadon ke hamare sath rahne do

na jaane kis gali mein zindagi ki sham ho jae

dushmanī jam kar karo lekin ye gunjā.ish rahe

jab kabhī ham dost ho jaa.eñ to sharminda na hoñ

dushmani jam kar karo lekin ye gunjaish rahe

jab kabhi hum dost ho jaen to sharminda na hon

kuchh to majbūriyāñ rahī hoñgī

yuuñ koī bevafā nahīñ hotā

kuchh to majburiyan rahi hongi

yun koi bewafa nahin hota

ham bhī dariyā haiñ hameñ apnā hunar mālūm hai

jis taraf bhī chal paḌeñge rāsta ho jā.egā

hum bhi dariya hain hamein apna hunar malum hai

jis taraf bhi chal paDenge rasta ho jaega

na jī bhar ke dekhā na kuchh baat kī

baḌī aarzū thī mulāqāt kī

na ji bhar ke dekha na kuchh baat ki

baDi aarzu thi mulaqat ki

musāfir haiñ ham bhī musāfir ho tum bhī

kisī moḌ par phir mulāqāt hogī

musafir hain hum bhi musafir ho tum bhi

kisi moD par phir mulaqat hogi

zindagī tū ne mujhe qabr se kam dī hai zamīñ

paañv phailā.ūñ to dīvār meñ sar lagtā hai

zindagi tu ne mujhe qabr se kam di hai zamin

panw phailaun to diwar mein sar lagta hai

baḌe logoñ se milne meñ hamesha fāsla rakhnā

jahāñ dariyā samundar se milā dariyā nahīñ rahtā

baDe logon se milne mein hamesha fasla rakhna

jahan dariya samundar se mila dariya nahin rahta

jis din se chalā huuñ mirī manzil pe nazar hai

āñkhoñ ne kabhī miil kā patthar nahīñ dekhā

jis din se chala hun meri manzil pe nazar hai

aankhon ne kabhi mil ka patthar nahin dekha

koī haath bhī na milā.egā jo gale miloge tapāk se

ye na.e mizāj kā shahr hai zarā fāsle se milā karo

koi hath bhi na milaega jo gale miloge tapak se

ye nae mizaj ka shahr hai zara fasle se mila karo

yahāñ libās kī qīmat hai aadmī kī nahīñ

mujhe gilās baḌe de sharāb kam kar de

yahan libas ki qimat hai aadmi ki nahin

mujhe gilas baDe de sharab kam kar de

har dhaḌakte patthar ko log dil samajhte haiñ

umreñ biit jaatī haiñ dil ko dil banāne meñ

har dhaDakte patthar ko log dil samajhte hain

umren bit jati hain dil ko dil banane mein

tumheñ zarūr koī chāhatoñ se dekhegā

magar vo āñkheñ hamārī kahāñ se lā.egā

tumhein zarur koi chahaton se dekhega

magar wo aankhen hamari kahan se laega

mohabbatoñ meñ dikhāve kī dostī na milā

agar gale nahīñ miltā to haath bhī na milā

mohabbaton mein dikhawe ki dosti na mila

agar gale nahin milta to hath bhi na mila

ḳhudā kī itnī baḌī kā.enāt meñ maiñ ne

bas ek shaḳhs ko māñgā mujhe vahī na milā

KHuda ki itni baDi kaenat mein main ne

bas ek shaKHs ko manga mujhe wahi na mila

ye phuul mujhe koī virāsat meñ mile haiñ

tum ne mirā kāñToñ bharā bistar nahīñ dekhā

ye phul mujhe koi wirasat mein mile hain

tum ne mera kanTon bhara bistar nahin dekha

tum mujhe chhoḌ ke jāoge to mar jā.ūñgā

yuuñ karo jaane se pahle mujhe pāgal kar do

tum mujhe chhoD ke jaoge to mar jaunga

yun karo jaane se pahle mujhe pagal kar do

tum mohabbat ko khel kahte ho

ham ne barbād zindagī kar lī

tum mohabbat ko khel kahte ho

hum ne barbaad zindagi kar li

itnī miltī hai mirī ġhazloñ se sūrat terī

log tujh ko mirā mahbūb samajhte hoñge

itni milti hai meri ghazlon se surat teri

log tujh ko mera mahbub samajhte honge

muḳhālifat se mirī shaḳhsiyat sañvartī hai

maiñ dushmanoñ kā baḌā ehtirām kartā huuñ

muKHalifat se meri shaKHsiyat sanwarti hai

main dushmanon ka baDa ehtiram karta hun

shohrat kī bulandī bhī pal bhar kā tamāshā hai

jis Daal pe baiThe ho vo TuuT bhī saktī hai

shohrat ki bulandi bhi pal bhar ka tamasha hai

jis Dal pe baiThe ho wo TuT bhi sakti hai

ham to kuchh der hañs bhī lete haiñ

dil hamesha udaas rahtā hai

hum to kuchh der hans bhi lete hain

dil hamesha udas rahta hai

patthar mujhe kahtā hai mirā chāhne vaalā

maiñ mom huuñ us ne mujhe chhū kar nahīñ dekhā

patthar mujhe kahta hai mera chahne wala

main mom hun us ne mujhe chhu kar nahin dekha

sar jhukāoge to patthar devtā ho jā.egā

itnā mat chāho use vo bevafā ho jā.egā

sar jhukaoge to patthar dewta ho jaega

itna mat chaho use wo bewafa ho jaega

maiñ chup rahā to aur ġhalat-fahmiyāñ baḌhīñ

vo bhī sunā hai us ne jo maiñ ne kahā nahīñ

main chup raha to aur ghalat-fahmiyan baDhin

wo bhi suna hai us ne jo main ne kaha nahin

hasīñ to aur haiñ lekin koī kahāñ tujh sā

jo dil jalā.e bahut phir bhī dilrubā hī lage

hasin to aur hain lekin koi kahan tujh sa

jo dil jalae bahut phir bhi dilruba hi lage

maiñ boltā huuñ to ilzām hai baġhāvat kā

maiñ chup rahūñ to baḌī bebasī sī hotī hai

main bolta hun to ilzam hai baghawat ka

main chup rahun to baDi bebasi si hoti hai

maiñ jab so jā.ūñ in āñkhoñ pe apne hoñT rakh denā

yaqīñ aa jā.egā palkoñ tale bhī dil dhaḌaktā hai

main jab so jaun in aankhon pe apne honT rakh dena

yaqin aa jaega palkon tale bhi dil dhaDakta hai

vo chehra kitābī rahā sāmne

baḌī ḳhūbsūrat paḌhā.ī huī

wo chehra kitabi raha samne

baDi KHubsurat paDhai hui

uḌne do parindoñ ko abhī shoḳh havā meñ

phir lauT ke bachpan ke zamāne nahīñ aate

uDne do parindon ko abhi shoKH hawa mein

phir lauT ke bachpan ke zamane nahin aate

isī liye to yahāñ ab bhī ajnabī huuñ maiñ

tamām log farishte haiñ aadmī huuñ maiñ

isi liye to yahan ab bhi ajnabi hun main

tamam log farishte hain aadmi hun main

gharoñ pe naam the nāmoñ ke saath ohde the

bahut talāsh kiyā koī aadmī na milā

gharon pe nam the namon ke sath ohde the

bahut talash kiya koi aadmi na mila

log TuuT jaate haiñ ek ghar banāne meñ

tum taras nahīñ khāte bastiyāñ jalāne meñ

log TuT jate hain ek ghar banane mein

tum taras nahin khate bastiyan jalane mein

kabhī maiñ apne hāthoñ kī lakīroñ se nahīñ uljhā

mujhe ma.alūm hai qismat kā likkhā bhī badaltā hai

kabhi main apne hathon ki lakiron se nahin uljha

mujhe malum hai qismat ka likkha bhi badalta hai

abhī raah meñ ka.ī moḌ haiñ koī aa.egā koī jā.egā

tumheñ jis ne dil se bhulā diyā use bhūlne kī duā karo

abhi rah mein kai moD hain koi aaega koi jaega

tumhein jis ne dil se bhula diya use bhulne ki dua karo

unhīñ rāstoñ ne jin par kabhī tum the saath mere

mujhe rok rok pūchhā tirā ham-safar kahāñ hai

unhin raston ne jin par kabhi tum the sath mere

mujhe rok rok puchha tera ham-safar kahan hai

dushmanī kā safar ik qadam do qadam

tum bhī thak jāoge ham bhī thak jā.eñge

dushmani ka safar ek qadam do qadam

tum bhi thak jaoge hum bhi thak jaenge

patthar ke jigar vaalo ġham meñ vo ravānī hai

ḳhud raah banā legā bahtā huā paanī hai

patthar ke jigar walo gham mein wo rawani hai

KHud rah bana lega bahta hua pani hai

saat sandūqoñ meñ bhar kar dafn kar do nafrateñ

aaj insāñ ko mohabbat kī zarūrat hai bahut

sat sanduqon mein bhar kar dafn kar do nafraten

aaj insan ko mohabbat ki zarurat hai bahut

bhalā ham mile bhī to kyā mile vahī dūriyāñ vahī fāsle

na kabhī hamāre qadam baḌhe na kabhī tumhārī jhijak ga.ī

bhala hum mile bhi to kya mile wahi duriyan wahi fasle

na kabhi hamare qadam baDhe na kabhi tumhaari jhijak gai

agar fursat mile paanī kī tahrīroñ ko paḌh lenā

har ik dariyā hazāroñ saal kā afsāna likhtā hai

agar fursat mile pani ki tahriron ko paDh lena

har ek dariya hazaron sal ka afsana likhta hai

tumhāre saath ye mausam farishtoñ jaisā hai

tumhāre ba.ad ye mausam bahut satā.egā

tumhaare sath ye mausam farishton jaisa hai

tumhaare baad ye mausam bahut sataega

kabhī kabhī to chhalak paḌtī haiñ yūñhī āñkheñ

udaas hone kā koī sabab nahīñ hotā

kabhi kabhi to chhalak paDti hain yunhi aankhen

udas hone ka koi sabab nahin hota

charāġhoñ ko āñkhoñ meñ mahfūz rakhnā

baḌī duur tak raat hī raat hogī

charaghon ko aankhon mein mahfuz rakhna

baDi dur tak raat hi raat hogi

bhuul shāyad bahut baḌī kar lī

dil ne duniyā se dostī kar lī

bhul shayad bahut baDi kar li

dil ne duniya se dosti kar li

agar talāsh karūñ koī mil hī jā.egā

magar tumhārī tarah kaun mujh ko chāhegā

agar talash karun koi mil hi jaega

magar tumhaari tarah kaun mujh ko chahega

mohabbat ek ḳhushbū hai hamesha saath chaltī hai

koī insān tanhā.ī meñ bhī tanhā nahīñ rahtā

mohabbat ek KHushbu hai hamesha sath chalti hai

koi insan tanhai mein bhi tanha nahin rahta

kabhī to āsmāñ se chāñd utre jaam ho jaa.e

tumhāre naam kī ik ḳhūb-sūrat shaam ho jaa.e

kabhi to aasman se chand utre jam ho jae

tumhaare nam ki ek KHub-surat sham ho jae

rone vāloñ ne uThā rakkhā thā ghar sar par magar

umr bhar kā jāgne vaalā paḌā sotā rahā

rone walon ne uTha rakkha tha ghar sar par magar

umr bhar ka jagne wala paDa sota raha

utar bhī aao kabhī āsmāñ ke ziine se

tumheñ ḳhudā ne hamāre liye banāyā hai

utar bhi aao kabhi aasman ke zine se

tumhein KHuda ne hamare liye banaya hai