Sher of Irfan Siddiqi
hoshiyārī dil-e-nādān bahut kartā hai
rañj kam sahtā hai elaan bahut kartā hai
hoshiyari dil-e-nadan bahut karta hai
ranj kam sahta hai elan bahut karta hai
nafrat ke ḳhazāne meñ to kuchh bhī nahīñ baaqī
thoḌā sā guzāre ke liye pyaar bachā.eñ
nafrat ke KHazane mein to kuchh bhi nahin baqi
thoDa sa guzare ke liye pyar bachaen
apne chāroñ samt dīvāreñ uThānā raat din
raat din phir saarī dīvāroñ meñ dar karnā mujhe
apne chaaron samt diwaren uThana raat din
raat din phir sari diwaron mein dar karna mujhe
us kī āñkhoñ meñ na jaane aks kis kā thā magar
uñgliyoñ par ek lams-e-rā.egāñ merā bhī thā
us ki aankhon mein na jaane aks kis ka tha magar
ungliyon par ek lams-e-raegan mera bhi tha
mujhe ye zindagī nuqsān kā saudā nahīñ lagtī
maiñ aane vaalī duniyā ko bhī taḳhmīne meñ rakhtā huuñ
mujhe ye zindagi nuqsan ka sauda nahin lagti
main aane wali duniya ko bhi taKHmine mein rakhta hun
ham ne dekhā hī thā duniyā ko abhī us ke baġhair
lījiye biich meñ phir dīda-e-tar aa ga.e haiñ
hum ne dekha hi tha duniya ko abhi us ke baghair
lijiye bich mein phir dida-e-tar aa gae hain
sham-e-ḳhema koī zanjīr nahīñ ham-safarāñ
jis ko jaanā hai chalā jaa.e ijāzat kaisī
sham-e-KHema koi zanjir nahin ham-safaran
jis ko jaana hai chala jae ijazat kaisi
abhī se rāsta kyuuñ rokne lagī duniyā
khaḌe hue haiñ abhī apne rū-ba-rū ham log
abhi se rasta kyun rokne lagi duniya
khaDe hue hain abhi apne ru-ba-ru hum log
havā-e-kūfa-e-nā-mehrbāñ ko hairat hai
ki log ḳhema-e-sabr-o-razā meñ zinda haiñ
hawa-e-kufa-e-na-mehrban ko hairat hai
ki log KHema-e-sabr-o-raza mein zinda hain
ai lahū maiñ tujhe maqtal se kahāñ le jā.ūñ
apne manzar hī meñ har rañg bhalā lagtā hai
ai lahu main tujhe maqtal se kahan le jaun
apne manzar hi mein har rang bhala lagta hai
ajnabī jaan ke kyā nām-o-nishāñ pūchhte ho
bhaa.ī ham bhī usī bastī ke nikāle hue haiñ
ajnabi jaan ke kya nam-o-nishan puchhte ho
bhai hum bhi usi basti ke nikale hue hain
kabhī jo zahmat-e-kār-e-rafū nahīñ kartā
hamāre zaḳhm usī chārāgar ke naam tamām
kabhi jo zahmat-e-kar-e-rafu nahin karta
hamare zaKHm usi chaaragar ke nam tamam
tum jo kuchh chāho vo tārīḳh meñ tahrīr karo
ye to neza hī samajhtā hai ki sar meñ kyā thā
tum jo kuchh chaho wo tariKH mein tahrir karo
ye to neza hi samajhta hai ki sar mein kya tha
ab aa ga.ī hai sahar apnā ghar sambhālne ko
chalūñ ki jaagā huā raat bhar kā maiñ bhī huuñ
ab aa gai hai sahar apna ghar sambhaalne ko
chalun ki jaga hua raat bhar ka main bhi hun
us se bichhḌe to tumheñ koī na pahchānegā
tum to parchhā.īñ ho paikar kī taraf lauT chalo
us se bichhDe to tumhein koi na pahchanega
tum to parchhain ho paikar ki taraf lauT chalo
hai bahut kuchh mirī ta.abīr kī duniyā tujh meñ
phir bhī kuchh hai ki jo ḳhvāboñ ke jahāñ se kam hai
hai bahut kuchh meri tabir ki duniya tujh mein
phir bhi kuchh hai ki jo KHwabon ke jahan se kam hai
mire gumāñ ne mire sab yaqīñ jalā Daale
zarā sā sho.ala bharī bastiyoñ ko chaaT gayā
mere guman ne mere sab yaqin jala Dale
zara sa shoala bhari bastiyon ko chaT gaya
maiñ kahāñ tak dil-e-sāda ko bhaTakne se bachā.ūñ
aañkh jab uTThe gunahgār banā de mujh ko
main kahan tak dil-e-sada ko bhaTakne se bachaun
aankh jab uTThe gunahgar bana de mujh ko
dekh letā hai to khilte chale jaate haiñ gulāb
merī miTTī ko ḳhush-āsār kiyā hai us ne
dekh leta hai to khilte chale jate hain gulab
meri miTTi ko KHush-asar kiya hai us ne
ruup kī dhuup kahāñ jaatī hai ma.alūm nahīñ
shaam kis tarah utar aatī hai ruḳhsāroñ par
rup ki dhup kahan jati hai malum nahin
sham kis tarah utar aati hai ruKHsaron par
-
Tag : Philosophical
jaane kyā Thaan ke uThtā huuñ nikalne ke liye
jaane kyā soch ke darvāze se lauT aatā huuñ
jaane kya Than ke uThta hun nikalne ke liye
jaane kya soch ke darwaze se lauT aata hun
ham sab ā.īna-dar-ā.īna-dar-ā.īna haiñ
kyā ḳhabar kaun kahāñ kis kī taraf dekhtā hai
hum sab aaina-dar-aina-dar-aina hain
kya KHabar kaun kahan kis ki taraf dekhta hai
tire sivā koī kaise dikhā.ī de mujh ko
ki merī ā.ankhoñ pe hai dast-e-ġhā.ebāna tirā
tere siwa koi kaise dikhai de mujh ko
ki meri aaankhon pe hai dast-e-ghaebana tera
maiñ chāhtā huuñ yahīñ saare faisle ho jaa.eñ
ki is ke ba.ad ye duniyā kahāñ se lā.ūñgā maiñ
main chahta hun yahin sare faisle ho jaen
ki is ke baad ye duniya kahan se launga main
maiñ jhapaTne ke liye DhūñDh rahā huuñ mauqa.a
aur vo shoḳh samajhtā hai ki sharmātā huuñ
main jhapaTne ke liye DhunDh raha hun mauqa
aur wo shoKH samajhta hai ki sharmata hun
harīf-e-teġh-e-sitam-gar to kar diyā hai tujhe
ab aur mujh se tū kyā chāhtā hai sar mere
harif-e-tegh-e-sitam-gar to kar diya hai tujhe
ab aur mujh se tu kya chahta hai sar mere
tum parindoñ se ziyāda to nahīñ ho āzād
shaam hone ko hai ab ghar kī taraf lauT chalo
tum parindon se ziyaada to nahin ho aazad
sham hone ko hai ab ghar ki taraf lauT chalo
rafāqatoñ ko zarā sochne kā mauqa.a do
ki is ke ba.ad ghane jañgaloñ kā rasta hai
rafaqaton ko zara sochne ka mauqa do
ki is ke baad ghane jangalon ka rasta hai
udaas ḳhushk laboñ par laraz rahā hogā
vo ek bosa jo ab tak mirī jabīñ pe nahīñ
udas KHushk labon par laraz raha hoga
wo ek bosa jo ab tak meri jabin pe nahin
ham baḌe ahl-e-ḳhirad bante the ye kyā ho gayā
aql kā har mashvara dīvāna-pan lagne lagā
hum baDe ahl-e-KHirad bante the ye kya ho gaya
aql ka har mashwara diwana-pan lagne laga
samundar adā-fahm thā ruk gayā
ki ham paañv paanī pe dharne ko the
samundar ada-fahm tha ruk gaya
ki hum panw pani pe dharne ko the
sar agar sar hai to nezoñ se shikāyat kaisī
dil agar dil hai to dariyā se baḌā honā hai
sar agar sar hai to nezon se shikayat kaisi
dil agar dil hai to dariya se baDa hona hai
jaan ham kār-e-mohabbat kā sila chāhte the
dil-e-sāda koī mazdūr hai ujrat kaisī
jaan hum kar-e-mohabbat ka sila chahte the
dil-e-sada koi mazdur hai ujrat kaisi
daulat-e-sar huuñ so har jītne vaalā lashkar
tasht meñ rakhtā hai neze pe sajātā hai mujhe
daulat-e-sar hun so har jitne wala lashkar
tasht mein rakhta hai neze pe sajata hai mujhe
jism kī ra.anā.iyoñ tak ḳhvāhishoñ kī bhiiḌ hai
ye tamāshā ḳhatm ho jaa.e to ghar jā.eñge log
jism ki ranaiyon tak KHwahishon ki bhiD hai
ye tamasha KHatm ho jae to ghar jaenge log
ai parindo yaad kartī hai tumheñ pāgal havā
roz ik nauha sar-e-shāḳh shajar suntā huuñ maiñ
ai parindo yaad karti hai tumhein pagal hawa
roz ek nauha sar-e-shaKH shajar sunta hun main
aaj tak un kī ḳhudā.ī se hai inkār mujhe
maiñ to ik umr se kāfir huuñ sanam jānte haiñ
aaj tak un ki KHudai se hai inkar mujhe
main to ek umr se kafir hun sanam jaante hain
ye hū kā vaqt ye jañgal ghanā ye kaalī raat
suno yahāñ koī ḳhatra nahīñ Thahar jaao
ye hu ka waqt ye jangal ghana ye kali raat
suno yahan koi KHatra nahin Thahar jao
bhuul jāoge ki rahte the yahāñ dūsre log
kal phir ābād kareñge ye makāñ dūsre log
bhul jaoge ki rahte the yahan dusre log
kal phir aabaad karenge ye makan dusre log
sunā thā maiñ ne ki fitrat ḳhalā kī dushman hai
so vo badan mirī tanhā.iyoñ ko paaT gayā
suna tha main ne ki fitrat KHala ki dushman hai
so wo badan meri tanhaiyon ko paT gaya
sar-barahna bībiyoñ ke baal chāñdī ho ga.e
ḳheme phir istāda kab hoñge ridā kab aa.egī
sar-barahna bibiyon ke baal chandi ho gae
KHeme phir istada kab honge rida kab aaegi
-
Share this
- See Ghazal
- Critique
- Comments
- Download
dard kaisā jo Dubo.e na bahā le jaa.e
kyā nadī jis meñ ravānī ho na gahrā.ī ho
dard kaisa jo Duboe na baha le jae
kya nadi jis mein rawani ho na gahrai ho
-
Tag : Dard
-
Share this
- See Ghazal
- Critique
- Comments
- Download
ye ham ne bhī sunā hai ālam-e-asbāb hai duniyā
yahāñ phir bhī bahut kuchh be-sabab hotā hī rahtā hai
ye hum ne bhi suna hai aalam-e-asbab hai duniya
yahan phir bhi bahut kuchh be-sabab hota hi rahta hai
-
Tag : Duniya
-
Share this
- See Ghazal
- Critique
- Comments
- Download
vo mujh meñ bolne vaalā to chup hai barsoñ se
ye kaun hai jo tire rū-ba-rū pukārtā hai
wo mujh mein bolne wala to chup hai barson se
ye kaun hai jo tere ru-ba-ru pukarta hai
-
Share this
- See Ghazal
- Critique
- Comments
- Download
uḌe to phir na mileñge rafāqatoñ ke parind
shikāyatoñ se bharī Tahniyāñ na chhū lenā
uDe to phir na milenge rafaqaton ke parind
shikayaton se bhari Tahniyan na chhu lena
-
Share this
- See Ghazal
- Critique
- Comments
- Download
us kī āñkheñ haiñ ki ik Dūbne vaalā insāñ
dūsre Dūbne vaale ko pukāre jaise
us ki aankhen hain ki ek Dubne wala insan
dusre Dubne wale ko pukare jaise
-
Tag : Eyes
-
Share this
- See Ghazal
- Critique
- Comments
- Download
ham bhī patthar tum bhī patthar sab patthar Takrāo
ham bhī TūTeñ tum bhī TuuTo sab TūTeñ āmīn
hum bhi patthar tum bhi patthar sab patthar Takrao
hum bhi TuTen tum bhi TuTo sab TuTen aamin
-
Share this
- See Ghazal
- Critique
- Comments
- Download
ḳhudā kare saf-e-sardādgāñ na ho ḳhālī
jo maiñ girūñ to koī dūsrā nikal aa.e
KHuda kare saf-e-sardadgan na ho KHali
jo main girun to koi dusra nikal aae
-
Tag : Dua
-
Share this
- See Ghazal
- Critique
- Comments
- Download
ajab nahīñ ki ye dariyā nazar kā dhokā ho
ajab nahīñ ki koī rāsta nikal aa.e
ajab nahin ki ye dariya nazar ka dhoka ho
ajab nahin ki koi rasta nikal aae
kuchh ishq ke nisāb meñ kamzor ham bhī haiñ
kuchh parcha-e-savāl bhī āsān chāhiye
kuchh ishq ke nisab mein kamzor hum bhi hain
kuchh parcha-e-sawal bhi aasan chahiye
-
Share this
- See Ghazal
- Critique
- Comments
- Download