vahshateñ ishq aur majbūrī

kyā kisī ḳhaas imtihān meñ huuñ

wahshaten ishq aur majburi

kya kisi KHas imtihan mein hun

kisī ḳhayāl kisī ḳhvāb ke liye 'ḳhurshīd'

diyā darīche meñ rakkhā thā dil jalāyā thā

kisi KHayal kisi KHwab ke liye 'KHurshid'

diya dariche mein rakkha tha dil jalaya tha

vo taġhāful-shi.ār kyā jaane

ishq to husn kī zarūrat hai

wo taghaful-shiar kya jaane

ishq to husn ki zarurat hai

ye kaun aag lagāne pe hai yahāñ māmūr

ye kaun shahr ko maqtal banāne vaalā hai

ye kaun aag lagane pe hai yahan mamur

ye kaun shahr ko maqtal banane wala hai

zarā sī der ko us ne palaT ke dekhā thā

zarā sī baat kā charchā kahāñ kahāñ huā hai

zara si der ko us ne palaT ke dekha tha

zara si baat ka charcha kahan kahan hua hai

dekh kar bhī na dekhnā us kā

ye adā to butoñ meñ hotī hai

dekh kar bhi na dekhna us ka

ye ada to buton mein hoti hai

ḳhudā kare ki khule ek din zamāne par

mirī kahānī meñ jo isti.āra ḳhvāb kā hai

KHuda kare ki khule ek din zamane par

meri kahani mein jo istiara KHwab ka hai

utar ke shāḳh se ik ek zard patte ne

na.ī rutoñ ke liye rāsta banāyā thā

utar ke shaKH se ek ek zard patte ne

nai ruton ke liye rasta banaya tha

maiñ huuñ ik paikar-e-ḳhayāl-o-ḳhvāb

aur kitnī baḌī haqīqat huuñ

main hun ek paikar-e-KHayal-o-KHwab

aur kitni baDi haqiqat hun

tirā baḳhshā huā ik zaḳhm pyāre

chalī ThanDī havā jalne lagā hai

tera baKHsha hua ek zaKHm pyare

chali ThanDi hawa jalne laga hai

ye kār-e-mohabbat bhī kyā kār-e-mohabbat hai

ik harf-e-tamannā hai aur us kī pazīrā.ī

ye kar-e-mohabbat bhi kya kar-e-mohabbat hai

ek harf-e-tamanna hai aur us ki pazirai

ḳhvāboñ kī maiñ ne ek imārat banā.ī aur

yādoñ kā us meñ ek darīcha banā liyā

KHwabon ki main ne ek imarat banai aur

yaadon ka us mein ek daricha bana liya

mātamī kapḌe pahan liye the merī zamīñ ne

aur falak ne chāñd sitāra pahan liyā thā

matami kapDe pahan liye the meri zamin ne

aur falak ne chand sitara pahan liya tha

ye dil ki zard paḌā thā ka.ī zamānoñ se

maiñ terā naam liyā aur bahār aa ga.ī hai

ye dil ki zard paDa tha kai zamanon se

main tera nam liya aur bahaar aa gai hai

kis kī ḳhātir ujaaḌ raste par

phuul le kar shajar khaḌā huā thā

kis ki KHatir ujaD raste par

phul le kar shajar khaDa hua tha

kisī ne merī taraf dekhnā na thā 'ḳhurshīd'

to be-sabab hī sañvārā gayā thā kyuuñ mujh ko

kisi ne meri taraf dekhna na tha 'KHurshid'

to be-sabab hi sanwara gaya tha kyun mujh ko

koī nahīñ jo miTā.e mirī siyah-baḳhtī

falak pe kitne sitāre haiñ jagmagā.e hue

koi nahin jo miTae meri siyah-baKHti

falak pe kitne sitare hain jagmagae hue

havā-e-tāza kā jhoñkā idhar se kyā guzrā

gire paḌe hue pattoñ meñ jaan aa ga.ī hai

hawa-e-taza ka jhonka idhar se kya guzra

gire paDe hue patton mein jaan aa gai hai