'mus.hafī' ham to ye samjhe the ki hogā koī zaḳhm

tere dil meñ to bahut kaam rafū kā niklā

'mushafi' hum to ye samjhe the ki hoga koi zaKHm

tere dil mein to bahut kaam rafu ka nikla

log kahte haiñ mohabbat meñ asar hotā hai

kaun se shahr meñ hotā hai kidhar hotā hai

log kahte hain mohabbat mein asar hota hai

kaun se shahr mein hota hai kidhar hota hai

tire kūche har bahāne mujhe din se raat karnā

kabhī is se baat karnā kabhī us se baat karnā

tere kuche har bahane mujhe din se raat karna

kabhi is se baat karna kabhi us se baat karna

baal apne baḌhāte haiñ kis vāste dīvāne

kyā shahr-e-mohabbat meñ hajjām nahīñ hotā

baal apne baDhate hain kis waste diwane

kya shahr-e-mohabbat mein hajjam nahin hota

eid ab ke bhī ga.ī yūñhī kisī ne na kahā

ki tire yaar ko ham tujh se milā dete haiñ

eid ab ke bhi gai yunhi kisi ne na kaha

ki tere yar ko hum tujh se mila dete hain

chheḌ mat har dam na ā.īna dikhā

apnī sūrat se ḳhafā baiThe haiñ ham

chheD mat har dam na aaina dikha

apni surat se KHafa baiThe hain hum

va.adoñ hī pe har roz mirī jaan na Taalo

hai eid kā din ab to gale ham ko lagā lo

wadon hi pe har roz meri jaan na Talo

hai eid ka din ab to gale hum ko laga lo

ai 'mus.hafī' tū in se mohabbat na kījiyo

zālim ġhazab hī hotī haiñ ye dillī vāliyāñ

ai 'mushafi' tu in se mohabbat na kijiyo

zalim ghazab hi hoti hain ye dilli waliyan

dekh kar ham ko na parde meñ tū chhup jaayā kar

ham to apne haiñ miyāñ ġhair se sharmāyā kar

dekh kar hum ko na parde mein tu chhup jaya kar

hum to apne hain miyan ghair se sharmaya kar

jo milā us ne bevafā.ī kī

kuchh ajab rañg hai zamāne kā

jo mila us ne bewafai ki

kuchh ajab rang hai zamane ka

hairāñ huuñ is qadar ki shab-e-vasl bhī mujhe

tū sāmne hai aur tirā intizār hai

hairan hun is qadar ki shab-e-wasl bhi mujhe

tu samne hai aur tera intizar hai

eid tū aa ke mire jī ko jalāve afsos

jis ke aane kī ḳhushī ho vo na aave afsos

eid tu aa ke mere ji ko jalawe afsos

jis ke aane ki KHushi ho wo na aawe afsos

hai eid kā din aaj to lag jaao gale se

jaate ho kahāñ jaan mirī aa ke muqābil

hai eid ka din aaj to lag jao gale se

jate ho kahan jaan meri aa ke muqabil

abhī āġhāz-e-mohabbat hai kuchh is kā anjām

tujh ko ma.alūm hai ai dīda-e-nam kyā hogā

abhi aaghaz-e-mohabbat hai kuchh is ka anjam

tujh ko malum hai ai dida-e-nam kya hoga

hasrat pe us musāfir-e-be-kas kī roiye

jo thak gayā ho baiTh ke manzil ke sāmne

hasrat pe us musafir-e-be-kas ki roiye

jo thak gaya ho baiTh ke manzil ke samne

āñkhoñ ko phoḌ Dālūñ yā dil ko toḌ Dālūñ

yā ishq kī pakaḌ kar gardan maroḌ Dālūñ

aankhon ko phoD Dalun ya dil ko toD Dalun

ya ishq ki pakaD kar gardan maroD Dalun

muusā ne koh-e-tūr pe dekhā jo kuchh vahī

aatā hai ārifoñ ko nazar sañg-o-ḳhisht meñ

musa ne koh-e-tur pe dekha jo kuchh wahi

aata hai aarifon ko nazar sang-o-KHisht mein

ab mirī baat jo maane to na le ishq kā naam

tū ne dukh ai dil-e-nākām bahut sā paayā

ab meri baat jo mane to na le ishq ka nam

tu ne dukh ai dil-e-nakaam bahut sa paya

dillī meñ apnā thā jo kuchh asbāb rah gayā

ik dil ko le ke aa.e haiñ us sarzamīñ se ham

dilli mein apna tha jo kuchh asbab rah gaya

ek dil ko le ke aae hain us sarzamin se hum

mausam-e-holī hai din aa.e haiñ rañg aur raag ke

ham se tum kuchh māñgne aao bahāne phaag ke

mausam-e-holi hai din aae hain rang aur rag ke

hum se tum kuchh mangne aao bahane phag ke

āsāñ nahīñ dariyā-e-mohabbat se guzarnā

yaañ nuuh kī kashtī ko bhī tūfān kā Dar hai

aasan nahin dariya-e-mohabbat se guzarna

yan nuh ki kashti ko bhi tufan ka Dar hai

āstīñ us ne jo kuhnī tak chaḌhā.ī vaqt-e-sub.h

aa rahī saare badan kī be-hijābī haath meñ

aastin us ne jo kuhni tak chaDhai waqt-e-subh

aa rahi sare badan ki be-hijabi hath mein

kar ke zaḳhmī tū mujhe sauñp gayā ġhairoñ ko

kaun rakkhegā mire zaḳhm pe marham tujh bin

kar ke zaKHmi tu mujhe saunp gaya ghairon ko

kaun rakkhega mere zaKHm pe marham tujh bin

ab ḳhudā maġhfirat kare us kī

'mīr' marhūm thā ajab koī

ab KHuda maghfirat kare us ki

'mir' marhum tha ajab koi

ik dard-e-mohabbat hai ki jaatā nahīñ varna

jis dard kī DhūñDe koī duniyā meñ davā hai

ek dard-e-mohabbat hai ki jata nahin warna

jis dard ki DhunDe koi duniya mein dawa hai

laakh ham sher kaheñ laakh ibārat likkheñ

baat vo hai jo tire dil meñ jagah paatī hai

lakh hum sher kahen lakh ibarat likkhen

baat wo hai jo tere dil mein jagah pati hai

allāh-re tere silsila-e-zulf kī kashish

jaatā hai jī udhar hī khiñchā kā.enāt kā

allah-re tere silsila-e-zulf ki kashish

jata hai ji udhar hi khincha kaenat ka

chaman ko aag lagāve hai bāġhbāñ har roz

nayā banā.ūñ huuñ maiñ apnā āshiyāñ har roz

chaman ko aag lagawe hai baghban har roz

naya banaun hun main apna aashiyan har roz

kisī ke haath to lagtā nahīñ hai ik ayyār

kahāñ talak tire pīchhe koī ḳharāb phire

kisi ke hath to lagta nahin hai ek ayyar

kahan talak tere pichhe koi KHarab phire

go ki tū 'mīr' se huā behtar

'mus.hafī' phir bhī 'mīr' 'mīr' hī hai

go ki tu 'mir' se hua behtar

'mushafi' phir bhi 'mir' 'mir' hi hai

charāġh-e-husn-e-yūsuf jab ho raushan

rahe phir kis tarah zindāñ añdherā

charagh-e-husn-e-yusuf jab ho raushan

rahe phir kis tarah zindan andhera

maze meñ ab talak baiThā maiñ apne hoñTh chāTūñ huuñ

liyā thā ḳhvāb meñ bosa jo yak shab seb-e-ġhabġhab kā

maze mein ab talak baiTha main apne honTh chaTun hun

liya tha KHwab mein bosa jo yak shab seb-e-ghabghab ka

chāhūñgā maiñ tum ko jo mujhe chāhoge tum bhī

hotī hai mohabbat to mohabbat se ziyāda

chahunga main tum ko jo mujhe chahoge tum bhi

hoti hai mohabbat to mohabbat se ziyaada

ġhabġhab se bachā dil to zanaḳhdān meñ Duubā

girdāb meñ kashtī ga.ī tūfāñ se nikal kar

ghabghab se bacha dil to zanaKHdan mein Duba

girdab mein kashti gai tufan se nikal kar

'mus.hafī' kyūñke chhupe un se mirā dard-e-nihāñ

yaar to baat ke andāz se pā jaate haiñ

'mushafi' kyunke chhupe un se mera dard-e-nihan

yar to baat ke andaz se pa jate hain

dillī huī hai vīrāñ suune khañDar paḌe haiñ

vīrān haiñ mohalle sunsān ghar paḌe haiñ

dilli hui hai viran sune khanDar paDe hain

viran hain mohalle sunsan ghar paDe hain

maiñ jin ko baat karnā ai 'mus.hafī' sikhāyā

har baat meñ vo merī ab baat kāTte haiñ

main jin ko baat karna ai 'mushafi' sikhaya

har baat mein wo meri ab baat kaTte hain

avval to thoḌī thoḌī chāhat thī darmiyāñ meñ

phir baat kahte luknat aane lagī zabāñ meñ

awwal to thoDi thoDi chahat thi darmiyan mein

phir baat kahte luknat aane lagi zaban mein

sādgī dekh ki bose kī tama.a rakhtā huuñ

jin laboñ se ki mayassar nahīñ dushnām mujhe

sadgi dekh ki bose ki tama rakhta hun

jin labon se ki mayassar nahin dushnam mujhe

maiñ ajab ye rasm dekhī mujhe roz-e-īd-e-qurbāñ

vahī zab.h bhī kare aur vahī le savāb ulTā

main ajab ye rasm dekhi mujhe roz-e-id-e-qurban

wahi zabh bhi kare aur wahi le sawab ulTa

qātil tirī galī bhī badaun se kam nahīñ

jis ke qadam qadam pe mazār-e-shahīd hai

qatil teri gali bhi badaun se kam nahin

jis ke qadam qadam pe mazar-e-shahid hai

hosh uḌ jā.eñge ai zulf-e-pareshāñ tere

gar maiñ ahvāl likhā apnī pareshānī kā

hosh uD jaenge ai zulf-e-pareshan tere

gar main ahwal likha apni pareshani ka

ik din to lipaT jaa.e tasavvur hī se tere

ye bhī dil-e-nāmard ko jur.at nahīñ miltī

ek din to lipaT jae tasawwur hi se tere

ye bhi dil-e-namard ko jurat nahin milti

shoḳhī-e-husn ke nazzāre kī tāqat hai kahāñ

tifl-e-nādāñ huuñ maiñ bijlī se dahal jaatā huuñ

shoKHi-e-husn ke nazzare ki taqat hai kahan

tifl-e-nadan hun main bijli se dahal jata hun

jamunā meñ kal nahā kar jab us ne baal bāñdhe

ham ne bhī apne dil meñ kyā kyā ḳhayāl bāñdhe

jamuna mein kal naha kar jab us ne baal bandhe

hum ne bhi apne dil mein kya kya KHayal bandhe

mulhid huuñ agar maiñ to bhalā is se tumheñ kyā

muñh se ye suḳhan gabr o musalmāñ na nikālo

mulhid hun agar main to bhala is se tumhein kya

munh se ye suKHan gabr o musalman na nikalo

āsmāñ ko nishāna karte haiñ

tiir rakhte haiñ jab kamān meñ ham

aasman ko nishana karte hain

tir rakhte hain jab kaman mein hum

kahūñ to kis se kahūñ apnā dard-e-dil maiñ ġharīb

na āshnā na musāhib na ham-nashīñ koī

kahun to kis se kahun apna dard-e-dil main gharib

na aashna na musahib na ham-nashin koi

ai kaash koī sham.a ke le jā ke mujhe paas

ye baat kahe us se ki parvāna hai ye bhī

ai kash koi shama ke le ja ke mujhe pas

ye baat kahe us se ki parwana hai ye bhi

kahiye jo jhuuT to ham hote haiñ kah ke rusvā

sach kahiye to zamāna yaaro nahīñ hai sach kā

kahiye jo jhuT to hum hote hain kah ke ruswa

sach kahiye to zamana yaro nahin hai sach ka