Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "rach-rach"

Nazm MATCHES FOR "rach-rach"

Nazm

gham-gusar

dhuup me.n saath kha.De hone vaalo.n kii KHushbuu
dil ke andar rach jaatii hai
KHuun kaa hissa ban jaatii hai

Hamida Shaheen
Nazm

talash

mausam-e-baaraa.n hai
KHushbu.o.n me.n rach-bas kar
har pahar mahaktii hai
jharne umaDte hai.n
mad.hosh naddiyaa.n hai.n
mai.n bahtii jaatii huu.n
lekin
samundar ke aane tak
qadam ruk se jaate hai.n
gunahgaar hai ye badan meraa
simaTtaa hai lahro.n me.n
chamakte hu.e daaG kii tarah
phir se
ubhartaa hai aa.nkho.n me.n

Shaista Yusuf
Nazm

main

raakh raakh badan le kar
dhu.aa.n dhu.aa.n shagun le kar
raat kii a.ndherii galiyo.n me.n
intizaar sulgaataa huu.n
mai.n us ke aur apne vaaste
baar baar dohraataa huu.n
milaataa huu.n baar baar number
milaa kar kaaT Daaltaa huu.n
mai.n us kii pinhaa.iyo.n me.n muKHil ab to
ho nahii.n saktaa
aur apnii tanhaa.iyo.n kii baabat
use kuchh kah nahii saktaa
qatra qatra Tapaktii rahtii hai
raat kii chhat aur
badan kaa lahuu jaltaa hai
u.ngliyo.n me.n cigarette
sulagtaa rahtaa hai
aur
vaqt kii dahliiz par
dafn shuda mai.n
apne marqad par chaadar cha.Dhaataa rahtaa huu.n
KHud ko haqiiqat me.n
bas jalaataa rahtaa huu.n

Faisal Malik
Nazm

sipahi

tum us vaqt kyaa the
tumhaare mahlo.n tumhaare gharo.n me.n to sab kuchh thaa
aasaa.ishe.n bhii vasiile bhii
us kibriyaa.ii kii tamkanat bhii
sabhii kuchh tumhaare tasarruf me.n thaa zindagii kaa har ik aasraa bhii
ka.De baam-o-dar bhii
chaman bhii samar bhii
magar tum KHud us vaqt kyaa the
tumhaarii nigaaho.n me.n duniyaa dhu.e.n kaa bha.nvar thii
jab u.Dtii halaakat ke shahpar tumhaare saro.n par se guzre
tumhaarii nigaaho.n me.n duniyaa dhu.e.n kaa bha.nvar thii
agar is muqaddas zamii.n par
miraa KHuu.n na bahtaa
agar dushmano.n ke garaa.nDiil Tanko.n ke niiche
mirii ka.Dka.Daatii hu.ii haDDiyaa.n KHandaqo.n me.n na hotii.n
to dozaKH ke sho.ale tumhaare mo.attar gharo.ndo.n kii dahliiz par the
tumhaare har ik besh-qiimat asaase kii qiimat
is surKH miTTii se hai jis me.n meraa lahuu rach gayaa hai

Majeed Amjad
Nazm

tere KHaton ki KHushbu

tere KHato.n kii KHushbuu
haatho.n me.n bas ga.ii hai saa.nso.n me.n rach rahii hai
KHvaabo.n kii vus.ato.n me.n ik dhuum mach rahii hai
jazbaat ke gulistaa.n mahkaa rahii hai har suu
tere KHato.n kii KHushbuu
tere KHato.n kii mujh par kyaa kyaa inaayate.n hai.n
be-mudda.aa karam hai bejaa shikaayate.n hai.n
apne hii qahqaho.n par barsaa rahii hai aa.nsuu
tere KHato.n kii KHushbuu
terii zabaan ban kar aksar mujhe sunaa.e
baate.n banii banaa.ii jumle raTe-raTaa.e
mujh par bhii kar chukii hai apnii vafaa kaa jaaduu
tere KHato.n kii KHushbuu
samjhe hai.n kuchh usii ne aadaab chaahato.n ke
sab ke liye vahii hai.n alqaab chaahato.n ke
sab ke liye baraabar phailaa rahii hai baazuu
tere KHato.n kii KHushbuu
apne sivaa kisii ko mai.n jaantaa nahii.n thaa
suntaa thaa laakh baate.n aur maantaa nahii.n thaa
ab KHud nikaal laa.ii begaanagii ke pahluu
tere KHato.n kii KHushbuu
kyaa jaane kis taraf ko chupke se mu.D chukii hai
gulshan ke par lagaa kar sahraa ko u.D chalii hai
rokaa hazaar mai.n ne aa.ii magar na qaabuu
tere KHato.n kii KHushbuu

Qateel Shifai
Nazm

sanwli

guu.nj uThii zehn me.n u.Dte hu.e bha.nvaro.n kii sadaa
rach ga.ii ruuh me.n gaatii hu.ii koyal kii pukaar

Qateel Shifai
Nazm

tujhse jab aankh laDi

husn-e-rangii.n ne tire lutf-e-shiirii.n ne tire
kar dikhaayaa har ik aaGaaz kaa anjaam-e-hasii.n
din hasii.n raat hasii.n sub.h hasii.n shaam hasii.n
rach ga.ii thii mirii rag-rag me.n mohabbat terii
haa.e kyaa chiiz thii ulfat tirii chaahat terii

Amjad Najmi
Nazm

shikast

mire kaleje kii rag rag se huuk uThtii hai
mujhe mirii har shikasto.n kii daastaa.n na sunaa
na puuchh mujh se mirii KHaamushii kaa raaz na puuchh
mire dimaaG kaa har gosha dukh rahaa hai abhii

Abid Almi
Nazm

isbaat

vo ek lamha ki
lam-yazal ne azal kii KHush-baKHt saa.ato.n kaa KHamiir le kar
hamaare KHuu.n kii rutuubato.n me.n bhigo ke
ik munhanii se paikar me.n Dhaal kar
dhiire dhiire
aazmaa.ish ke marhalo.n se guzaar kar
jis ko dam kiyaa thaa
vo ek lamha ki tarah jis ki
samundaro.n kii rivaayato.n se
havaa.o.n kii sansanaahaTo.n kii hikaayato.n se
KHaliiq miTTii kii so.ndhii so.ndhii amaanato.n se
jhulaste suuraj kii barguziida tamaazato.n se
amal me.n aa.ii vo ek lamha ki
sab avaamil asiir kar ke
zamaa.n kii yak-ra.ng sarhado.n ko phalaa.ng kar jab
makaa.n kii pechiida vus.ato.n par raqam hu.aa thaa
amii.n hai sachchii ibaadato.n kaa
hamaare maathe pe jo likhe hai.n
haliif hai saarii azmato.n kaa sadaaqato.n kaa
hamaare KHuu.n me.n jo rach ga.ii hai.n
hariif hai sab kuduurato.n kaa, adaavato.n kaa, sa.uubato.n kaa
hamaarii banjar zamii.n ke siine se jo ugii hai.n
aziim markaz hai naa-shuniida inaayato.n kaa, mohabbato.n kaa, rifaaqato.n kaa, muravvato.n kaa
hamaarii ruuho.n me.n jo basii hai.n
ham apne KHaaliq kii kaun sii nemato.n se inkaar kar sake.nge
ki sajda-gaah-e-yaqii.n se
phuuTii hu.ii kiran me.n asiir hai.n ham
bulandiyo.n ke safiir hai.n ham
guzishta sadiyo.n ke mojazo.n kii naziir hai.n ham
aziim daanish ko ham ne
harf o navaa kii ra.ngii.n ridaa ataa kii
zaruurato.n kii qabaa ataa kii
vo ek lamha ki
aarzuu me.n azal se jis kii
haqiiqato.n kii
jhulastii dahliiz pe
ham ne tum ne
mubaasharat ke tamaam aasan hii aazmaa.e
agar hamaare dilo.n me.n diivaar-e-jaa.n uThaa.e
magar ye mumkin hii kis tarah hai ki
ham mohabbat ke biij bo kar adaavato.n ke shajar ugaa.e.n
jo ek lamha ham
apne KHaaliq ke naam mansuub kar chuke hai.n
vo ek lamha agar na aa.e
magar ye imkaa.n kii sarhado.n se gurez hogaa
gurez jo aasmaa.n se utre
kisii sahiife kii vaa-jbii.n par
raqam nahii.n hai
ham apne KHaaliq kii kaun sii nemato.n se inkaar kar sake.nge

Muzaffar Eraj
Nazm

holi

aish-o-tarab kaa saamaan hai aaj sab ghar us ke
ab to nahii.n hai ko.ii duniyaa me.n ham-sar us ke
az-maah-taab-e-maahii bande hai.n be-zar us ke
kal vaqt-e-shaam suuraj malne ko mu.nh par us ke
rakh kar shafaq ke sar par tasht-e-gulaal aayaa

Nazeer Akbarabadi
Nazm

yaran-e-najd

ai baad-e-sub.h-gaahii dil keii kalii khilaa de
viiraana mere dil kaa rashk-e-chaman banaa de
us bazm-e-jaa.n-fazaa kaa nazzaara phir dikhaa de
gulzaar-e-aarzuu me.n phir taaza gul khilaa de
ye kaar-zaar-e-hastii hai ranj-o-Gam keii bastii
phir yaad-e-bazm-e-jam me.n ik jaam-e-jam pilaa de
ab shaam-e-zindagii keii zulmat hai chhaane vaalii
vo sub.h-e-dil-kushaa kaa nazzaara phir dikhaa de
pastii me.n paa-ba-gil hai umr-e-ravaa.n kaa dariyaa
phir uu.nchii vaadiyo.n ke manzar use dikhaa de
vo ahd-e-shaadmaanii vo itr-e-zindagaanii
ai daur-e-aasmaanii vaapas kahii.n se laade
ai baaGbaa.n ho tujh ko taKHt-e-chaman mubaarak
mujh ko vo ham-navaa de vo meraa gho.nsla de
kin hasrato.n se 'naazir' us anjuman se nikle
melaa saa lag rahaa hai jab ham chaman se nikle
ahvaal-e-bazm-e-gulshan ai naama-bar sunaanaa
vo daastaa.n hai dilkash ra.ngii.n hai vo fasaana
us bazm-e-dil-kushaa me.n ulfat keii us fazaa me.n
taaro.n keii raushnii me.n yaaro.n kaa mil ke gaanaa
kaano.n me.n rach rahii hai koyal keii kuuk ab tak
'naazir' kaa hai vaziifa us dhun me.n gungunaanaa
collage keii sarzamii.n thii yaa naqsh-e-dil-nashii.n thii
dil se KHayaal us kaa mumkin nahii.n bhulaanaa
dariyaa me.n mil ke jaise ho.n naddiyaa.n ham-aaGosh
begaana kal jo aayaa vo aaj thaa yagaana
bahr-e-tavaaf jaanaa piir-e-muGaa.n ke dar par
aur us keii ik nigah se sarmast ho ke aanaa
us chashm-e-mast me.n thii ye turfa ik karaamat
phirtii vo jis taraf ko phirtaa udhar zamaanaa
ai vaqt-e-rafta aa jaa phir vo samaa.n dikhaa jaa
aisaa bhii kyaa thaa jaanaa phir lauT kar na aanaa
ai naaKHudaa bha.nvar se kashtii merii bachaa kar
yaaraan-e-aashnaa se bahr-e-KHudaa milaanaa
dar fasl-e-gul ki gulshan naqsh-o-nigaar bando
'naazir' KHayaal-e-KHud-raa aur bazm-e-yaar bando

Khushi Mohammad Naazir
Nazm

shahkar

utartaa jaataa hai rag rag me.n zahr-e-naumiidii
nazar ko miltii hai har samt naqsh naqsh me.n yaas
dil-o-dimaaG kaa aalam sukuut se pur hai

Abid Almi
Nazm

tazmin bar-ashaar-e-ghaalib

dard-e-ulfat yuu.nhii thaa rag rag me.n saarii haa.e haa.e
kyuu.n lagaayaa phir vafaa kaa zaKHm-e-kaarii haa.e haa.e
tujh saa be-fikr aur kisii kii Gam-gusaarii haa.e haa.e
dard se mere ho tujh ko be-qaraarii haa.e haa.e
kyaa hu.ii zaalim tirii Gaflat shi.aarii? haa.e haa.e

Ze Khe Sheen
Nazm

ek KHayal

aaj rah rah ke sochtaa huu.n mai.n
gahrii fikro.n me.n kho gayaa huu.n mai.n

Jameel Kaleemi
Nazm

wada

aurat ek tasavvur hai ek KHvaab hai
rah rah ke apnii samt khii.nchtaa hai jo

Yogender Dutt Tyagi
Nazm

hum

vo be-KHabar hai
ki shaatir-e-vaqt kii nazar me.n
ko.ii ikaa.ii
shajar hajar ho ki zii-nafas ho
nizaam-e-kul se alag nahii.n hai
vo ye nahii.n jaantii ki hastii ke kaar-KHaane me.n
us kaa honaa na honaa be-naam haadisa hai
aur us ke hisse kaa kul asaasa
vo chand lamhe vo chand saa.nse.n hai.n
jin me.n vo KHvaab dekhtii hai
saliiqa-e-zaat se chaman ko sa.nvaarne kaa
bahaar-e-jaa.n ko nikhaarne kaa
2
bajaa ki naa-paa.edaar hai ye vajuud meraa
mai.n Gair-faanii hayaat ke silsile me.n
ik biich kii ka.Dii huu.n
rahiin-e-gardish bhii markaz-e-kaa.enaat bhii huu.n
jo mai.n ne dekhaa hai vo mire KHuu.n me.n rach gayaa hai
jo mai.n ne sochaa hai mujh me.n zinda hai
aur jo kuchh sunaa hai mujh me.n samaa gayaa hai
havaa kii suurat har ek ehsaas
merii saa.nso.n me.n jii rahaa hai
har ek manzar mire tasavvur me.n bas gayaa hai
mai.n zaat-e-mahduud apnii pahnaa.iyo.n me.n
ik kaa.enaat bhii huu.n
mirii rago.n me.n vo joshash-e-jaavedaa.n ravaa.n hai
jo shaaKH me.n phuul kii numuu hai
jo bahr me.n mauj kii ta.Dap hai
par-e-kabuutar me.n taab-e-parvaaz hai
sitaaro.n me.n raushnii hai
mai.n apne hone ke sab havaalo.n me.n ruunumaa huu.n
mai.n jaa-ba-jaa suurat-e-sabaa huu.n
Gazaal-e-KHush-chashm kii kaliyo.n me.n kheltaa huu.n
humakte bachche kii muskuraahaT huu.n
piir-e-shab-KHez kii du.aa huu.n
mai.n mehr me.n maahtaab me.n huu.n
ye kaisii chaahat hai jis se mai.n
ek mustaqil iztiraab me.n huu.n
vo kaun sii manzil talab thii
ki raa.njhaa raa.njhaa pukaartii hiir
aap hii raa.njhaa ho ga.ii thii

Zia Jalandhari
Nazm

shair

in aa.nsu.o.n me.n numaayaa.n hai.n vaqt kii lahre.n
sunaa.ii detii hai rah rah ke zindagii kii pukaar

Anjum Azmi
Nazm

kisan

hai ik phaTii hu.ii kambal Gariib kaa.ndho.n par
siyaah abr pe rah rah kar uTh rahii hai nazar

Maikash Akbarabadi
Nazm

dar-madh-am

mai.n ne DapaT ke dil se kahaa chup KHamosh rah
rakh kaam apne kaam se teraa jo kaam hai

Khalid Mahmood
Nazm

aaKHiri raat

tamaam umr jo rah rah ke yaad aa.egii
yahii vo saa.at-e-shab hai mire gale lag jaa.o

Mahmood Ayaz
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now