Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "tel"

Nazm MATCHES FOR "tel"

Nazm

Diary

kuchh aisaa lagtaa hai jis ne bhii Diary likhii hai
vo shahr aayaa hai gaa.nv me.n chho.D kar kisii ko
talaash me.n kaam hii ke shaayad:
''mai.n shahr kii is machine me.n fiT huu.n jaise Dhibrii,
zaruurii hai ye zaraa saa purza
aham bhii hai kyuu.n ki roz ke roz tel de kar
ise zaraa aur kas ke jaataa hai chief meraa
vo roz kastaa hai,
roz ik pech aur cha.Dhtaa hai jab naso.n par,
to jii me.n aataa hai zahr khaa luu.n
yaa bhaag jaa.uu.n''

Gulzar
Nazm

charaghan

ik diyaa naam kaa yak-jehtii ke
raushnii us kii jahaa.n tak pahu.nchii
qaum ko la.Dte jhaga.Dte dekhaa
maa.n ke aa.nchal me.n hai.n jitne paivand
sab ko ik saath udha.Dte dekhaa
duur se biivii ne jhallaa ke kahaa
tel mah.ngaa bhii hai miltaa bhii nahii.n
kyuu.n diye itne jalaa rakkhe hai.n
apne ghar me.n na jharoka na mu.nDer
taaq sapno.n ke sajaa rakkhe hai.n
aayaa Gusse kaa ik aisaa jho.nkaa
bujh ga.e saare diye
haa.n magar ek diyaa naam hai jis kaa ummiid
jhilmilaataa hii chalaa jaataa hai

Kaifi Azmi
Nazm

barsat ki bahaaren

hai jin kane muhayyaa pakkaa pakaayaa khaanaa
un ko pala.ng pe baiThe jha.Diyo.n kaa KHat u.Daanaa
hai jin ko apne ghar me.n yaa.n lon tel laanaa
hai sar pe un ke pa.nkhaa yaa chhaaj hai puraanaa
kyaa kyaa machii hai.n yaaro barsaat kii bahaare.n

Nazeer Akbarabadi
Nazm

muslim umma ka America se shikwa

gir gayaa tez havaa.o.n se agar tayyaara
pak.Daa jaataa hai musalmaan yahaa.n be-chaaraa
kabhii ghuuraa kabhii taa.Daa to kabhii lalkaaraa
kabhii subway se uThaayaa kabhii chhaapa maaraa

Khalid Irfan
Nazm

barish hogi

pho.De phunsiyaa.n phuuTe.nge to khujlaa.oge
rote-dhote Te.n Te.n karte ghar aa.oge
uupar se phir ka.Dve tel kii maalish hogii
baarish baarish baarish hogii

Gulzar
Nazm

imtihan

vaqt raTne ke liye kam rah gayaa zyaada hai kaam
saal bhar jin ko na dekhaa vo KHulaase nek-naam
saamne rakkhe hai.n un ko jhuk ke karte hai.n salaam
un kii puujaa hii me.n saaraa vaqt hotaa hai tamaam
television bhii nahii.n Gaa.eb hu.e hai.n saare khel
Daal kar kolhuu me.n bachcho.n ko nikaalo un kaa tel

Syed Mohammad Jafri
Nazm

laDkon ka zindagi-nama

kyaa zindagii hamaarii
sab kuchh hai apne bas me.n
aazaad hai.n fazaa.e.n
duniyaa hai dastaras me.n
kyaa kyaa hame.n milaa hai
kuchh vaqt kuchh baras me.n
lekin jo mu.D ke dekhe.n
thii ik ajab kahaanii
dushvaar kaisaa jiinaa
mushkil thii zindagaanii
ik aafat-e-musalsal
aalaam-e-naa-gahaanii
rozaana sub.h uThnaa
aasaan thaa na itnaa
har roz Daa.nT khaanaa
har roz kaa sisaknaa
har baat ke tamaashe
har baat par jhaga.Dnaa
abbaa vahii.n kha.De hai.n
aKHbaar pa.Dh rahe hai.n
kyaa kaam ham ko de de.n
har vaqt sochte hai.n
aulaad ko to apnii
naukar samajh rahe hai.n
ammii ke saamne to
bilkul na mu.nh ko khole.n
ham bad-tamiiz Thahre
go achchhii baat bole.n
chup-chaap hii rahe.n bas
kitnaa bhii KHvaar ho le.n
paanii baras rahaa hai
par dil taras rahaa hai
vo cycle kha.Dii hai
maa.njhaa vahii.n rakhaa hai
kanche yahaa.n pa.De hai.n
ballaa vahaa.n kha.Daa hai
lekin nahii.n hame.n kyaa
laade kamar pe basta
school jaa rahe hai.n
taariiKH kaa hai parcha
achchhaa nahii.n hu.aa to
bas band jeb KHarcha
urdu kaa kaam puuraa
kal raat kar liyaa thaa
lekin hame.n riyaazii
bilkul samajh na aayaa
allaah ke hai.n bande
ham se hai vaasta kyaa
ammii ne sirf Daa.nTaa
baalo.n me.n tel Daalaa
bhayyaa ne sirf jhi.Dkaa
baajii ne KHuub Taalaa
sab ke liye hai jii me.n
nafrat kaa ek jaalaa
bhayyaa kii cycle kii
kis ne havaa nikaalii
ham ko bhalaa KHabar kyaa
har shaKHs hai savaalii
us ne hamaarii chi.Diyaa
us din jo to.D Daalii
sach hai bahut sitam thaa
goyaa the ik khilaunaa
jaise ho sab baraabar
ghar me.n na honaa honaa
dekhaa nahii.n kisii ne
chhup chhup hamaaraa ronaa
ab ho gayaa hai apnaa har chiiz par ijaara
sab apnii zimmedaarii
sab faisle hamaare
har chiiz iKHtiyaarii
lekin vo bachpane kii hai yaad pyaarii pyaarii
kyaa zindagii hamaarii
kyaa zindagii hamaarii

Asna Badr
Nazm

tel ke saudagar

buKHaaraa samarqand ik KHaal-e-hinduu ke badle!
bajaa hai buKHaaraa samarqand baaqii kahaa.n hai.n?
buKHaaraa samarqand niindo.n me.n mad.hosh
ik niil-guu.n KHaamushii ke hijaabo.n me.n mastuur
aur rahravo.n ke liye un ke dar band
so.ii hu.ii mah-jabiino.n kii palko.n ke maanind
ruusii ''hama-uust'' ke taaziyaano.n se ma.azuur
do mah-jabiine.n!
buKHaaraa samarqand ko bhuul jaa.o
ab apne daraKHshanda shahro.n kii
tahraan o mash.had ke saqf o dar-o-baam kii fikr kar lo
tum apne na.e daur-e-hosh-o-amal ke dil-aavez chashmo.n ko
apnii na.ii aarzuu.o.n ke in KHuub-suurat kinaayo.n ko
mahfuuz kar lo!
in uu.nche daraKHshanda shahro.n kii
kotah fasiilo.n ko mazbuut kar lo
har ik burj-o-baaro par apne nigahbaa.n cha.Dhaa do
gharo.n me.n havaa ke sivaa
sab sadaa.o.n kii sham.e.n bujhaa do!
ki baahar fasiilo.n ke niiche
ka.ii din se rahzan hai.n KHema-fagan
tel ke buu.Dhe sauda-garo.n ke libaade pahan kar
vo kal raat yaa aaj kii raat kii tiirgii me.n
chale aa.e.nge ban ke mehmaa.n
tumhaare gharo.n me.n
vo daavat kii shab jaam-o-miinaa lu.Dhaa.e.nge
naache.nge gaa.e.nge
be-saaKHta qahqaho.n hamhamo.n se
vo garmaa.e.ngee KHuun-e-mahfil!

Noon Meem Rashid
Nazm

zaifa

larza-bar-andaam hai sehn-e-zamii.n kaa arz-o-tuul
ho rahaa hai KHaak par naapaak ruuho.n kaa nuzuul

Josh Malihabadi
Nazm

third-diwision

jiine kii kashmakash me.n na be-kaar Daaliye
mai.n third-divisioner huu.n mujhe maar Daaliye
phir naam apnaa qaum kaa me.amaar Daaliye
degree ko merii liijiye aachaar Daaliye
kuchh qaum kaa bhalaa ho to kuchh aap kaa bhalaa
meraa bhalaa ho kuchh mire maa.n baap kaa bhalaa
jaataa hai jis jagah bhii ko.ii third-divisioner
kahte hai.n sab ki aa gayaa tuu kis liye idhar
tuu chal yahaa.n se terii na hogii yahaa.n guzar
lauh-e-jahaa.n pe harf-e-mukarrar huu.n mai.n magar
''yaa-rab zamaana mujh ko miTaataa hai kis liye''
har shaKHs mujh ko aa.nkh dikhaataa hai kis liye
mai.n paas ho gayaa huu.n magar phir bhii fail huu.n
ta.aliim ke idaaro.n ke haatho.n me.n khel huu.n
jis kaa nishaana jaa.e KHataa vo Gulail huu.n
mai.n KHaak me.n milaa hu.aa miTTii kaa tel huu.n
aur university bhii nahii.n hai refinery
suurat bhii tasfiye kii nahii.n ko.ii zaahirii
aKHbaar mai.n ne dekhaa to mujh par hu.aa ayaa.n
hote hai.n paas vo bhii na de.n jo ki imtihaa.n
ya.anii ki honorary bhii miltii hai.n degreeyaa.n
mai.n jis zamii.n pe pahu.nchaa vahii.n paayaa aasmaa.n
degree hai ik gunaaho.n kii tahriir mere saath
gar ho sake to maa.ng luu.n ik umr ko udhaar
aur imtihaan jis kaa nahii.n ko.ii e'tibaar
us imtihaa.n kii baazii lagaa.uu.ngaa baar baar
kahte hai.n log is ko ye machhlii kaa hai shikaar
ye imtihaan machhlii pha.nsaane kaa jaal hai
''aalam tamaam halqa-e-daam-e-KHayaal hai''

Syed Mohammad Jafri
Nazm

dhyan qabr mein utarta KHayal

meraa rasta qabristaan se ho kar aage jaataa hai
is raste se aur bhii log guzar kar aage jaate hai.n
lekin mere saath hii aaKHir saa.e se kyuu.n rahte hai.n
mere man me.n aaKHir kaisii viiraanii qabro.n kii hai
raat kii KHaamoshii me.n jhe.ngur kii hai.n kaisii aavaaze.n
kuchh din se miTTii kii KHushbuu
kyuu.n chipkii hai saa.nso.n se
mere paa.nv KHaak se lag kar kis kaa maatam sunte hai.n
meraa diivaaro.n ke andar dam kyuu.n ghuTne lagtaa hai
mere sar par bojh hai kyuu.n katbo.n par likkhe harfo.n kaa
mujhe agar kii KHushbuu kyuu.n aatii hai apne andar se
kyuu.n merii aa.nkho.n me.n ka.Dve tel kaa diip saa jaltaa hai
meraa siina phuulo.n se kyuu.n bojhal hone lagtaa hai
kyuu.n is raste par chalte mai.n KHud se puuchhne lagtaa huu.n
mai.n qabro.n ke andar huu.n
yaa qabre.n mere andar hai.n

Khaleeq-ur-rahman
Nazm

radif aur qafiye

ha.nsii kal se mujhe is baat par hai aa rahii KHaaluu
ki KHaala kah rahii thii.n aap kaa hai qaafiya aaluu
usii din se bahut Darne lagaa huu.n aap se KHaala
jab ammii ne bataayaa aap kaa hai qaafiya bhaalaa
agar puuchhe ko.ii kyaa qaafiya hai aap kaa phuppii
to fauran saamne rakh duu.ngaa laa kar tel kii kuppii
agar shaa.ir kahe.n be-qaafiya hai lafz-e-bahno.ii
mire bahno.ii sar par shaa.iro.n ke maarnaa Do.ii
agar puuchhe ko.ii kyaa qaafiya hai aap kaa daadii
to malmal phe.nk denaa o.Dh lenaa sar pe tum khaadii
bahut hai ghuumne kaa shauq tum ko ai ba.De bhayyaa
na maaro to bataa duu.n hai tumhaaraa qaafiya pahiyaa
tum apnaa qaafiya KHud ban ga.ii ho ai merii aapaa
nazar lag jaa.egii tum sar pe rakh kar ho ho Taapaa
tumhaaraa qaafiya ko.ii nahii.n hai ai nahiif ammii
yahii achchhaa hai tum chupke se ban jaa.o radiif ammii

Raja Mehdi Ali Khan
Nazm

sabza-e-begana

hasab-nasab hai na taariiKH o jaa-e-paidaa.ish
kahaa.n se aayaa thaa maz.hab na valdiyat ma.aluum
maqaamii chhoTe se KHairaatii aspataal me.n vo
kahii.n se laayaa gayaa thaa vahaa.n ye hai marquum
mariiz raato.n ko chillaataa hai ''mire andar
asiir zaKHmii parinda hai ik, nikaalo ise
guluu-girafta hai ye habs-e-dam hai KHaa.if hai
sitam-rasiida hai mazluum hai bachaa lo ise''
mariiz chiiKHtaa hai dard se karaahtaa hai
ye vietnam, kabhii dominican, kabhii kashmiir
zar-e-kasiir, siyah qaume.n, KHaam madniyaat
kasiif tel ke chashme, avaam, istehsaal
zamii.n kii maut bahaa.im, fizaa.ii ja.ng, sitam
ijaara-daarii, subuk gaam, dilrubaa, atfaal
sarod-o-naGma, adab, sher, amn, barbaadii
janaaza ishq kaa, daf kii sadaa.e.n, murda KHayaal
taraqqii, ilm ke gahvaare, ruuh kaa madfan
KHudaa kaa qatl, ayaa.n zer-e-naaf zohra jamaal
tamaam raat ye be-rabt baate.n kartaa hai
mariiz saKHt pareshaanii kaa sabab hai yahaa.n
Garaz ki jo thaa shikaayat kaa ek daftar thaa
natiija ye hai usii roz muntaqil karke
use ik aur shifaa-KHaane ko ravaana kiyaa
sunaa gayaa hai vahaa.n nafsiyaat ke maahir
tabiib haaziq o nabbaaz doctor kitne
talab kiye ga.e aur sab ne ittifaaq kiyaa
ye ko.ii zehnii maraz hai, mariiz ne shaayad
kabhii parinda ko.ii paalaa hogaa lekin vo
adam-e-tavajjohii yaa ittifaaq se yuu.nhii
bichaara mar gayaa us maut kaa asar hai ye
ajiib chiiz hai taht-e-shu.uur insaa.n kaa
ye aur kuchh nahii.n ehsaas-e-jurm hai jis ne
dil o dimaaG pe qabza kiyaa hai is darja
mariiz qaatil o mujrim samajhtaa hai KHud ko!
kisii kii raa.e thii pasmaa.nda qaum kaa ik fard
mariiz hogaa isii vaaste siyah qaume.n
Gariib ke liye ik taboo ban ga.ii.n afsos
ko.ii ye kahtaa thaa ye asal me.n hai hubb-e-vatan
mariiz chaahtaa thaa ham kafiil ho.n apne
kisii bhii qaum ke aage na haath phailaa.e.n
yahii.n pe tel ke chashme hai.n, vo kare.n daryaaft!
gumaan kuchh ko thaa ye shaKHs ko.ii shaa.er hai
jo chaahtaa thaa jahaa.n-gardii me.n guzaare vaqt
hasiin aurte.n maa.il ho.n lutf-o-aish rahe
qalam ke zor se shohrat mile zamaane me.n
zar-e-kasiir bhii haath aa.e is bahaane se
magar Gariib kii sab koshishe.n ga.ii.n naakaam
shikast-e-paiham o ehsaas-e-naa-rasaa.ii ne
ye haal kar diyaa majruuh hoga.e a.asaab
Garaz ki nukta-rassii me.n guzar gayaa sab vaqt
vo chiiKHtaa hii rahaa dard kii davaa na milii
nashist baa'd nashist aur mu.aa.ene shab o roz
inhii.n me.n vaqt guzartaa gayaa shifaa na milii
phir ek shaam vahaa.n surma-dar-guluu aa.ii
jo us ke vaaste goyaa tabiib-e-haaziq thii
kisii ne phir na sunii dard se bharii aavaaz
karaahtaa thaa jo KHaamosh ho gayaa vo saaz

Akhtarul Iman
Nazm

kya hogi peDon ki zat

baniyaa to mahuvaa hogaa
us ke patto.n se pattal bantii hai.n
rasiile phal aa.nTe me.n
miij kar gujiyaa banaate hai.n
sukhaa kar us ke phal dukaan par bech dete hai.n
tel bhii miltaa hai mahuve kii ko.iyyaa se
lak.Dii to us kii ba.De kaam aatii hai.n

Kamal Upadhyay
Nazm

achaar ka martaban

tumhaarii ammii ne apnii izzat ko martabaano.n me.n band kar ke
makaa.n kii chhat se laTakte chhii.nke me.n rakh diyaa thaa
tumhaarii ammii ne baar-haa tum se ye kahaa thaa
''achaar kachchaa hai' tel kii buu miTii nahii.n hai
abhii na ye martabaan kholo
havaa agar bartano.n me.n daaKHil hu.ii to ullii
tamaam phaa.nko.n kaa naas kar degii''
tum magar soch me.n pa.Dii ho
''na jaane ammii ko kyaa hu.aa hai
achaar kii phaa.nk hii to hai naa
na ko.ii hiiraa, na ko.ii motii, na ko.ii sone kii chiiz maa.ngii
na ko.ii kap.Daa na ko.ii lattaa na ko.ii saa.Dii''
tum apnii ma.asuum aur pyaarii sii a.nkh.Diyo.n me.n
hazaar shikve liye yuu.nhii sochtii rahogii
magar jo ek Dar tumhaarii ammii kii aa.nkh me.n aa ke bas gayaa hai
use kahaa.n tum samajh sakogii
abhii to tum bachpane kii sarhad phalaa.ngne hii kii fikr me.n ho
abhii to tum me.nDhiyaa.n banaatii ho, choTiyaa.n kas ke baa.ndhtii ho
kabhii kabhii tum sa.Dak pe jaa kar jhaga.Dte bachcho.n ko Daa.nTtii ho
to tum ko chunnii kaa hosh hotaa hai
aur na aa.nkho.n me.n Dar kisii kaa
agar kabhii tum zabaan kaa zaa.iqa badalne kaa soch hii lo
agar kabhii tum achaar kaa martabaan niiche utaar hii lo
nazar bachaa kar achaar baahar nikaal hii lo
to lamha bhar ke liye Thahar kar ye soch lenaa
tumhaarii ammii ne apnii izzat ko martabaano.n me.n band kar ke
makaa.n kii chhat se laTakte chhii.nke me.n rakh diyaa thaa

Fayyaz tahseen
Nazm

zaitun ka daraKHt

mere paas
ko.ii baaG nahii.n hai dost
kuchh adhuure KHvaab ek balcony
aur do tiin gamle hai.n
jo mujhe duniyaa me.n daraKHto.n ke
baaqii rahne kii vajuuhaat bataate hai.n
aur ja.ngalo.n ko jalaa diye jaane kii KHabre.n pahu.nchaate hai.n
merii bahan mere kamzor pairo.n me.n
zaituun ke tel se jaan Daalne kii koshish kartii hai
maa.n hotii to vo bhii yahii kartii
kaash saarii duniyaa me.n
zaituun ke tel ke ku.e.n ho.n
aur kamzor pairo.n me.n jaan pa.D jaa.e
aur ham apne pyaaro.n ke saath
mohabbat ke baaG me.n roz chahal-qadmii kar sake.n
ek daraKHt tumhaare naam kaa bhii hogaa
mere dost
taaki ham hamesha mohabbat aur shifaa-yaabii ke mo.ajaze me.n
ek duusre ke shariik rahe.n

Zeeshan Sahil
Nazm

diwali

kho ga.ii hai.n kaam ke andar ku.nvaarii la.Dkiyaa.n
saath vo ham-joliyaa.n bhii aa.ii hai.n jo mehmaa.n
ek naazuk u.ngliyo.n se devte dhotii hu.ii
duusrii dho.e hu.o.n ko chun ke KHush hotii hu.ii
aur ga.Dvaa tiisrii aafat kii par-kaalaa liye
battiyaa.n baTtii hai chauthii ruu.ii kaa gaalaa liye
paa.nchve.n har suu diye tartiib se dhartii chalii
aur chhaTii battii sajaa kar tel se bhartii chalii
ye jhamakkaa kar chukaa aaraasta jab taaq duur
sahn se ziine pe dau.Daa aur pahu.nchaa baam par
o.Dh kar kamlii savaad-e-shaam niklaa sharq se
juu.nhii ruu-kaaraao.n pe chhaayaa tho.De tho.De farq se
shaam kaa gesuu khulii aa.nkho.n pe jaaduu kar gayaa
bujh ga.ii sham-e-shafaq nazro.n me.n kohraa bhar gayaa
tuur kaa jalva charaaGo.n me.n simaT kar rah gayaa
aa.nkh malnaa thii ki nazzaara palaT kar rah gayaa
raushnii me.n saariyo.n ke rang lahraane lage
muKHtalif aa.nchal havaa ke ruKH pe bal khaane lage
ye diivaalii ke manaazir ye nigaahe.n kaamyaab
yaa ilaahii taa qayaamat bar na aayad aaftaab

Shaad Aarfi
Nazm

ashkon mein dhanak

is retiile badan kii
jhulsii hu.ii rago.n me.n
hai tel kaa tamaasha
aur barf kii taho.n me.n
hai suurajo.n kaa girya
yaa paaniyo.n kii dahshat
yaa KHushk-saaliyaa.n hai.n

Jawayd Anwar
Nazm

mashwara

aa rahaa hai roz lailaa-e-giraanii pur-shabaab
tel khaate hai.n jo kal tak dekhte the ghii ke KHvaab
aam kap.Daa mushkilo.n se ho rahaa hai dastiyaab
shahr me.n chiinii bhii miltii hai to sone ke hisaab
ye giraanii to.D degii ye tirii dublii kamar
ai mire hamdam KHudaa ke vaaste shaadii na kar

Asad Jafri
Nazm

kifayat shiari

jo chaahte ho ki tum baa-vaqaar ban ke raho
to zindagii me.n kifaayat shi.aar ban ke raho
diyaa hai rab ne to be-shak tum us ko KHarch karo
magar ba-qadr-e-zaruurat ho be-hisaab na ho
har ek shai ko baratne kaa ik tariiqa hai
is tarah se kifaayat bhii ik saliiqa hai
vo chaahe tel ho bijlii ho yaa ki paanii ho
na ko.ii chiiz ho zaa.e.a samajh ke sarf karo
jo shaah KHarch the duniyaa me.n vo zaliil hu.e
jo jaante the kifaayat vo KHud-kafiil hu.e
buraa na maan.naa bachcho mirii nasiihat kaa
tumhii.n ko bojh uThaanaa hai mulk-o-millat kaa

Abdul Ahad Saaz
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now