chand yādoñ ke diye thoḌī tamanna kuchh ḳhvāb

zindagī tujh se ziyāda nahīñ māñgā ham ne

chand yaadon ke diye thoDi tamanna kuchh KHwab

zindagi tujh se ziyaada nahin manga hum ne

us baar ujāloñ ne mujhe gher liyā thā

is baar mirī raat mire saath chalī hai

us bar ujalon ne mujhe gher liya tha

is bar meri raat mere sath chali hai

mujh ko paane kī tamanna meñ vo ġharqāb huā

maiñ ne sāhil kī tamanna meñ use khoyā hai

mujh ko pane ki tamanna mein wo gharqab hua

main ne sahil ki tamanna mein use khoya hai

jo bichhaḌ gayā vo milā nahīñ ye savāl thā

jo milā nahīñ vo bichhaḌ gayā ye kamāl hai

jo bichhaD gaya wo mila nahin ye sawal tha

jo mila nahin wo bichhaD gaya ye kamal hai

ye hijratoñ ke tamāshe, ye qarz rishtoñ ke

maiñ ḳhud ko joḌte rahne meñ TuuT jaatā huuñ

ye hijraton ke tamashe, ye qarz rishton ke

main KHud ko joDte rahne mein TuT jata hun

ai aql nahīñ ā.eñge bātoñ meñ tirī ham

nādān the nādān haiñ nādān raheñge

ai aql nahin aaenge baaton mein teri hum

nadan the nadan hain nadan rahenge

vo chāhte haiñ ki har baat maan lī jaa.e

aur ek maiñ huuñ ki har baat kaaT detā huuñ

wo chahte hain ki har baat man li jae

aur ek main hun ki har baat kaT deta hun

itnā āsāñ nahīñ lafzoñ ko ġhazal kar lenā

shor ko sher banāne meñ jigar lagtā hai

itna aasan nahin lafzon ko ghazal kar lena

shor ko sher banane mein jigar lagta hai

lamhe lamhe se banī hai ye zamāne kī kitāb

nuqta nuqta yahāñ sadiyoñ kā safar lagtā hai

lamhe lamhe se bani hai ye zamane ki kitab

nuqta nuqta yahan sadiyon ka safar lagta hai

zindagī ham tire kūche meñ chale aa.e to haiñ

tere kūche kī havā ham se ḳhafā lagtī hai

zindagi hum tere kuche mein chale aae to hain

tere kuche ki hawa hum se KHafa lagti hai

ham yahī samjhe the ik dil hī to hai apne liye

ham kahāñ samjhe the itnā sar-phirā ho jā.egā

hum yahi samjhe the ek dil hi to hai apne liye

hum kahan samjhe the itna sar-phira ho jaega

us ko bhī kisī tarah bharosā nahīñ thā

maiñ ne bhī kisī taur safā.ī nahīñ dī

us ko bhi kisi tarah bharosa nahin tha

main ne bhi kisi taur safai nahin di

isī javāb ke raste savāl aate haiñ

isī savāl meñ saarā javāb Thahrā hai

isi jawab ke raste sawal aate hain

isi sawal mein sara jawab Thahra hai

zindagī aaj zarā hañs ke gale lag mujh se

terī āñkhoñ meñ nadāmat nahīñ dekhī jaatī

zindagi aaj zara hans ke gale lag mujh se

teri aankhon mein nadamat nahin dekhi jati

ab is se pahle ki rusvā.ī apne ghar aatī

tumhāre shahr se ham bā-adab nikal aa.e

ab is se pahle ki ruswai apne ghar aati

tumhaare shahr se hum ba-adab nikal aae

ḳhvāb meñ toḌtā rahtā huuñ anā kī zanjīr

aañkh khultī hai to dīvār nikal aatī hai

KHwab mein toDta rahta hun ana ki zanjir

aankh khulti hai to diwar nikal aati hai

ḳhud ko barbād kar ke dekhnā thā

ḳhud ko barbād kar ke dekh liyā

KHud ko barbaad kar ke dekhna tha

KHud ko barbaad kar ke dekh liya

Thahre hue paanī kā muqaddar nahīñ hotā

bahte hue paanī kā taqāzā hai guzar jā

Thahre hue pani ka muqaddar nahin hota

bahte hue pani ka taqaza hai guzar ja

koī aatā hai yā nahīñ aatā

aaj ḳhud ko pukār kar dekheñ

koi aata hai ya nahin aata

aaj KHud ko pukar kar dekhen

ḳhauf hai dhund bharī raat hai tanhā.ī hai

mere kamre meñ abhī raat hai tanhā.ī hai

KHauf hai dhund bhari raat hai tanhai hai

mere kamre mein abhi raat hai tanhai hai

dhokā hai numā.ish hai tamāshā hai guzar jā

ye raunaq-e-bāzār ye duniyā hai guzar jā

dhoka hai numaish hai tamasha hai guzar ja

ye raunaq-e-bazar ye duniya hai guzar ja

ai aql nahīñ ā.eñge bātoñ meñ tirī ham

nādān the nādān haiñ nādān raheñge

ai aql nahin aaenge baaton mein teri hum

nadan the nadan hain nadan rahenge

ishq karne ke baad bhī kuchh log

ye samajhte haiñ kuchh kiyā hī nahīñ

ishq karne ke baad bhi kuchh log

ye samajhte hain kuchh kiya hi nahin

āñkhoñ meñ shab utar ga.ī ḳhvāboñ kā silsila rahā

maiñ ḳhud ko dekhtā rahā maiñ ḳhud ko sochtā rahā

aankhon mein shab utar gai KHwabon ka silsila raha

main KHud ko dekhta raha main KHud ko sochta raha

jaane kitnā vaqt lagegā ḳhud se bāhar aane meñ

tanhā.ī kā shor bahut hai shahroñ ke vīrāne meñ

jaane kitna waqt lagega KHud se bahar aane mein

tanhai ka shor bahut hai shahron ke virane mein

ab e.atibār nahīñ merī jaañ kisī kā nahīñ

charāġh sab ke liye hai dhuāñ kisī kā nahīñ

ab eatibar nahin meri jaan kisi ka nahin

charagh sab ke liye hai dhuan kisi ka nahin

ek khiḌkī khulī rahtī hai nazar meñ har dam

ek manzar pas-e-manzar bhī nazar aatā hai

ek khiDki khuli rahti hai nazar mein har dam

ek manzar pas-e-manzar bhi nazar aata hai

apne jazbāt se judā honā

kitnā āsān hai ḳhudā honā

apne jazbaat se juda hona

kitna aasan hai KHuda hona

shahr ab māñgtā hai saañs bhī lene kā hisāb

zindagī mujh se qayāmat kā sabab pūchhtī hai

shahr ab mangta hai sans bhi lene ka hisab

zindagi mujh se qayamat ka sabab puchhti hai

tū mujhe zahr pilātī hai ye terā sheva

ai mirī raat tujhe ḳhuun pilāyā maiñ ne

tu mujhe zahr pilati hai ye tera shewa

ai meri raat tujhe KHun pilaya main ne

apnī zaat se aage jaanā hai jis ko

us ko barf se paanī honā paḌtā hai

apni zat se aage jaana hai jis ko

us ko barf se pani hona paDta hai

apnī tanhā.ī ko bāzār samajhte rahe ham

zindagī tujh ko ḳharīdār samajhte rahe ham

apni tanhai ko bazar samajhte rahe hum

zindagi tujh ko KHaridar samajhte rahe hum

kuchh ajnabī rastoñ se charāġhoñ kī thakan kā

be-nām sā rishta hai to be-nām hī rah jaa.e

kuchh ajnabi raston se charaghon ki thakan ka

be-nam sa rishta hai to be-nam hi rah jae

is baar mirī ruuh pe talvār chalī hai

is baar sañbhalne meñ zarā der lagegī

is bar meri ruh pe talwar chali hai

is bar sanbhalne mein zara der lagegi

zindagī ham tire kūche meñ chale aa.e to haiñ

tere kūche kī havā ham se ḳhafā lagtī hai

zindagi hum tere kuche mein chale aae to hain

tere kuche ki hawa hum se KHafa lagti hai

chain paḌtā hī nahīñ aur ye dil

roz kahtā hai ki yuuñ hai yuuñ hai

chain paDta hi nahin aur ye dil

roz kahta hai ki yun hai yun hai

ab ke vahshat ne mujhe rok liyā hai varna

pichhle mausam kī tarah lauT ke ghar jaanā thā

ab ke wahshat ne mujhe rok liya hai warna

pichhle mausam ki tarah lauT ke ghar jaana tha

ham tire shahr se milte haiñ guzar jaate haiñ

tujh se milne meñ to talvār nikal aatī hai

hum tere shahr se milte hain guzar jate hain

tujh se milne mein to talwar nikal aati hai

but tarāshā thā inhī hāthoñ se maiñ ne ek din

par kise mā'lūm thā vo but ḳhudā ho jā.egā

but tarasha tha inhi hathon se main ne ek din

par kise ma'lum tha wo but KHuda ho jaega

sāñsoñ meñ koī ḳhuun sā dariyā hai ki maiñ huuñ

siine meñ koī shor sā barpā hai ki tum ho

sanson mein koi KHun sa dariya hai ki main hun

sine mein koi shor sa barpa hai ki tum ho

jab ye jism sulagtā hai to ruuh bhī jalne lagtī hai

parvāne kā ishq mukammal hotā hai jal jaane meñ

jab ye jism sulagta hai to ruh bhi jalne lagti hai

parwane ka ishq mukammal hota hai jal jaane mein

bahā le jā.egī sab

baḌī pāgal havā hai

baha le jaegi sab

baDi pagal hawa hai

ye mirā shahr ki jiine nahīñ detā mujh ko

ab tirā naam bhī lete hue Dar lagtā hai

ye mera shahr ki jine nahin deta mujh ko

ab tera nam bhi lete hue Dar lagta hai

chhoTī sī ek baat kā afsāna ho gayā

chhoTī sī ek baat chhupāne se rah ga.ī

chhoTi si ek baat ka afsana ho gaya

chhoTi si ek baat chhupane se rah gai

tire visāl kī ra.anā.iyoñ se Dartā huuñ

mujhe to hijr ke ādāb bhī nahīñ ma.alūm

tere visal ki ranaiyon se Darta hun

mujhe to hijr ke aadab bhi nahin malum

ye hijratoñ ke tamāshe ye qarz rishtoñ ke

maiñ ḳhud ko joḌte rahne meñ TuuT jaatā huuñ

ye hijraton ke tamashe ye qarz rishton ke

main KHud ko joDte rahne mein TuT jata hun

vo chāhte haiñ ki har baat maan lī jaa.e

aur ek maiñ huuñ ki har baat kaaT detā huuñ

wo chahte hain ki har baat man li jae

aur ek main hun ki har baat kaT deta hun

ik nazar dekh mire dil kī taraf jān-e-murād

aa.ina sīna-e-sad-chāk se behtar to nahīñ

ek nazar dekh mere dil ki taraf jaan-e-murad

aaina sina-e-sad-chaak se behtar to nahin

ek hañgāma shab-o-roz bapā rahtā hai

ḳhāna-e-dil meñ nihāñ jaise ḳhudā rahtā hai

ek hangama shab-o-roz bapa rahta hai

KHana-e-dil mein nihan jaise KHuda rahta hai

ab iḳhtiyār zamāne pe hai na is dil par

kamāl ye hai ki koī yahāñ kisī kā nahīñ

ab iKHtiyar zamane pe hai na is dil par

kamal ye hai ki koi yahan kisi ka nahin