Paani Shayari

agar fursat mile paanī tahrīroñ ko paḌh lenā

har ik dariyā hazāroñ saal afsāna likhtā hai

agar fursat mile pani ki tahriron ko paDh lena

har ek dariya hazaron sal ka afsana likhta hai

Bashir Badr

maiñ ne apnī ḳhushk āñkhoñ se lahū chhalkā diyā

ik samundar kah rahā thā mujh ko paanī chāhiye

main ne apni KHushk aankhon se lahu chhalka diya

ek samundar kah raha tha mujh ko pani chahiye

Rahat Indori

ham intizār kareñ ham ko itnī taab nahīñ

pilā do tum hameñ paanī agar sharāb nahīñ

hum intizar karen hum ko itni tab nahin

pila do tum hamein pani agar sharab nahin

Nooh Narvi

kis ne bhīge hue bāloñ se ye jhaTkā paanī

jhuum ke aa.ī ghaTā TuuT ke barsā paanī

kis ne bhige hue baalon se ye jhaTka pani

jhum ke aai ghaTa TuT ke barsa pani

Arzoo Lakhnavi

ye paanī ḳhāmushī se bah rahā hai

ise dekheñ ki is meñ Duub jaa.eñ

ye pani KHamushi se bah raha hai

ise dekhen ki is mein Dub jaen

Ahmad Mushtaq

vo jo pyāsā lagtā thā sailāb-zada thā

paanī paanī kahte kahte Duub gayā hai

wo jo pyasa lagta tha sailab-zada tha

pani pani kahte kahte Dub gaya hai

Aanis Moin

andar andar khokhle ho jaate haiñ ghar

jab dīvāroñ meñ paanī bhar jaatā hai

andar andar khokhle ho jate hain ghar

jab diwaron mein pani bhar jata hai

Zeb Ghauri

aisī pyaas aur aisā sabr

dariyā paanī paanī hai

aisi pyas aur aisa sabr

dariya pani pani hai

Vikas Sharma Raaz

duur tak phailā huā paanī paanī har taraf

ab ke bādal ne bahut mehrbānī har taraf

dur tak phaila hua pani hi pani har taraf

ab ke baadal ne bahut ki mehrbani har taraf

Shabab Lalit

agar ai nāḳhudā tūfān se laḌne dam-ḳham hai

idhar kashtī na le aanā yahāñ paanī bahut kam hai

agar ai naKHuda tufan se laDne ka dam-KHam hai

idhar kashti na le aana yahan pani bahut kam hai

Divakar Rahi

hairān mat ho tairtī machhlī ko dekh kar

paanī meñ raushnī ko utarte hue bhī dekh

hairan mat ho tairti machhli ko dekh kar

pani mein raushni ko utarte hue bhi dekh

Mohammad Alvi

vo majbūrī maut hai jis meñ kaase ko buniyād mile

pyaas shiddat jab baḌhtī hai Dar lagtā hai paanī se

wo majburi maut hai jis mein kase ko buniyaad mile

pyas ki shiddat jab baDhti hai Dar lagta hai pani se

Mohsin Asrar

harf apne ma.ānī tarah hotā hai

pyaas zā.iqa paanī tarah hotā hai

harf apne hi maani ki tarah hota hai

pyas ka zaiqa pani ki tarah hota hai

Faisal Ajmi

qisse se tire merī kahānī se ziyāda

paanī meñ hai kyā aur bhī paanī se ziyāda

qisse se tere meri kahani se ziyaada

pani mein hai kya aur bhi pani se ziyaada

Abrar Ahmad

hañstā paanī rotā paanī

mujh ko āvāzeñ detā thā

hansta pani rota pani

mujh ko aawazen deta tha

Nasir Kazmi

vo dhuup thī ki zamīñ jal ke raakh ho jaatī

baras ke ab ke baḌā kaam kar gayā paanī

wo dhup thi ki zamin jal ke rakh ho jati

baras ke ab ke baDa kaam kar gaya pani

Laiq Aajiz

paanī ne jise dhuup miTTī se banāyā

vo dā.era-e-rabt bigaḌne ke liye thā

pani ne jise dhup ki miTTi se banaya

wo daera-e-rabt bigaDne ke liye tha

Hanif Tarin