TOP 20 DHOKA SHAYARI


info iconClick on any word for its meaning


aadmī jaan ke khātā hai mohabbat meñ fareb


ḳhud-farebī mohabbat sila ho jaise

ahbāb ko de rahā huuñ dhokā


chehre pe ḳhushī sajā rahā huuñ

ai mujh ko fareb dene vaale


maiñ tujh pe yaqīn kar chukā huuñ

aise milā hai ham se shanāsā kabhī na thā


vo yuuñ badal jā.egā sochā kabhī na thā

dhokā thā nigāhoñ magar ḳhuub thā dhokā


mujh ko tirī nazroñ meñ mohabbat nazar aa.ī

DhūñDhtī hai iztirāb-e-shauq duniyā mujhe


aap ne mahfil se uThvā kar kahāñ rakkhā mujhe

dil abhī puurī tarah TuuTā nahīñ


dostoñ mehrbānī chāhiye

har-chand e'tibār meñ dhoke bhī haiñ magar


ye to nahīñ kisī pe bharosā kiyā na jaa.e

ik baras bhī abhī nahīñ guzrā


kitnī jaldī badal ga.e chehre

jo baat dil meñ thī us se nahīñ kahī ham ne


vafā ke naam se vo bhī fareb khā jaatā

jo un ma.asūm āñkhoñ ne diye the


vo dhoke aaj tak maiñ khā rahā huuñ

kam se kam maut se aisī mujhe ummīd nahīñ


zindagī ne to dhoke pe diyā hai dhoka

kis ne vafā ke naam pe dhokā diyā mujhe


kis se kahūñ ki merā gunahgār kaun hai

muddat huī ik shaḳhs ne dil toḌ diyā thā


is vāste apnoñ se mohabbat nahīñ karte

bhī saada hai kabhī chaal badaltā nahīñ


ham bhī saada haiñ isī chaal meñ aa jaate haiñ

us ko bhī merī tarah apnī vafā par thā yaqīñ


vo bhī shāyad isī dhoke meñ milā thā mujh ko

vo zahr detā to sab nigah meñ aa jaatā


so ye kiyā ki mujhe vaqt pe davā.eñ na diiñ

yaar maiñ itnā bhūkā huuñ


dhokā bhī khā letā huuñ

yaqīñ un ke va.ade pe laanā paḌegā


ye dhokā to dānista khānā paḌegā

zaḳhm lagā kar us bhī kuchh haath khulā


maiñ bhī dhokā khā kar kuchh chālāk huā


While truthfulness is one reality, deceit is another. It has an added meaning with respect to lovers. It brings suffering and pain and causes untold misery to them. These verses would take you closer to this experience.

comments powered by Disqus