ujāle apnī yādoñ ke hamāre saath rahne do

na jaane kis galī meñ zindagī kī shaam ho jaa.e

ujale apni yaadon ke hamare sath rahne do

na jaane kis gali mein zindagi ki sham ho jae

us kī yaad aa.ī hai sāñso zarā āhista chalo

dhaḌkanoñ se bhī ibādat meñ ḳhalal paḌtā hai

us ki yaad aai hai sanso zara aahista chalo

dhaDkanon se bhi ibaadat mein KHalal paDta hai

ab ke ham bichhḌe to shāyad kabhī ḳhvāboñ meñ mileñ

jis tarah sūkhe hue phuul kitāboñ meñ mileñ

ab ke hum bichhDe to shayad kabhi KHwabon mein milen

jis tarah sukhe hue phul kitabon mein milen

chupke chupke raat din aañsū bahānā yaad hai

ham ko ab tak āshiqī kā vo zamānā yaad hai

chupke chupke raat din aansu bahana yaad hai

hum ko ab tak aashiqi ka wo zamana yaad hai

kis kis ko batā.eñge judā.ī kā sabab ham

tū mujh se ḳhafā hai to zamāne ke liye aa

kis kis ko bataenge judai ka sabab hum

tu mujh se KHafa hai to zamane ke liye aa

vo to ḳhush-bū hai havāoñ meñ bikhar jā.egā

mas.ala phuul kā hai phuul kidhar jā.egā

wo to KHush-bu hai hawaon mein bikhar jaega

masala phul ka hai phul kidhar jaega

dil dhaḌakne kā sabab yaad aayā

vo tirī yaad thī ab yaad aayā

dil dhaDakne ka sabab yaad aaya

wo teri yaad thi ab yaad aaya

ye ishq nahīñ āsāñ itnā hī samajh liije

ik aag kā dariyā hai aur Duub ke jaanā hai

ye ishq nahin aasan itna hi samajh lije

ek aag ka dariya hai aur Dub ke jaana hai

tum ko aatā hai pyaar par ġhussa

mujh ko ġhusse pe pyaar aatā hai

tum ko aata hai pyar par ghussa

mujh ko ghusse pe pyar aata hai

karūñgā kyā jo mohabbat meñ ho gayā nākām

mujhe to aur koī kaam bhī nahīñ aatā

karunga kya jo mohabbat mein ho gaya nakaam

mujhe to aur koi kaam bhi nahin aata

terā milnā ḳhushī kī baat sahī

tujh se mil kar udaas rahtā huuñ

tera milna KHushi ki baat sahi

tujh se mil kar udas rahta hun

aaj dekhā hai tujh ko der ke ba.ad

aaj kā din guzar na jaa.e kahīñ

aaj dekha hai tujh ko der ke baad

aaj ka din guzar na jae kahin

bhūle haiñ rafta rafta unheñ muddatoñ meñ ham

qistoñ meñ ḳhud-kushī kā mazā ham se pūchhiye

bhule hain rafta rafta unhen muddaton mein hum

qiston mein KHud-kushi ka maza hum se puchhiye

jhukī jhukī sī nazar be-qarār hai ki nahīñ

dabā dabā sā sahī dil meñ pyaar hai ki nahīñ

jhuki jhuki si nazar be-qarar hai ki nahin

daba daba sa sahi dil mein pyar hai ki nahin

tumhāre shahr kā mausam baḌā suhānā lage

maiñ ek shaam churā luuñ agar burā na lage

tumhaare shahr ka mausam baDa suhana lage

main ek sham chura lun agar bura na lage

jab bhī aatā hai mirā naam tire naam ke saath

jaane kyuuñ log mire naam se jal jaate haiñ

jab bhi aata hai mera nam tere nam ke sath

jaane kyun log mere nam se jal jate hain

fāsle aise bhī hoñge ye kabhī sochā na thā

sāmne baiThā thā mere aur vo merā na thā

fasle aise bhi honge ye kabhi socha na tha

samne baiTha tha mere aur wo mera na tha

dil kī choToñ ne kabhī chain se rahne na diyā

jab chalī sard havā maiñ ne tujhe yaad kiyā

dil ki choTon ne kabhi chain se rahne na diya

jab chali sard hawa main ne tujhe yaad kiya

pūchh lete vo bas mizāj mirā

kitnā āsān thā ilaaj mirā

puchh lete wo bas mizaj mera

kitna aasan tha ilaj mera

aate aate mirā naam sā rah gayā

us ke hoñToñ pe kuchh kāñptā rah gayā

aate aate mera nam sa rah gaya

us ke honTon pe kuchh kanpta rah gaya

maiñ jab so jā.ūñ in āñkhoñ pe apne hoñT rakh denā

yaqīñ aa jā.egā palkoñ tale bhī dil dhaḌaktā hai

main jab so jaun in aankhon pe apne honT rakh dena

yaqin aa jaega palkon tale bhi dil dhaDakta hai

zindagī bhar ke liye ruuTh ke jaane vaale

maiñ abhī tak tirī tasvīr liye baiThā huuñ

zindagi bhar ke liye ruTh ke jaane wale

main abhi tak teri taswir liye baiTha hun

zālim thā vo aur zulm kī aadat bhī bahut thī

majbūr the ham us se mohabbat bhī bahut thī

zalim tha wo aur zulm ki aadat bhi bahut thi

majbur the hum us se mohabbat bhi bahut thi

chalo achchhā huā kaam aa ga.ī dīvāngī apnī

vagarna ham zamāne bhar ko samjhāne kahāñ jaate

chalo achchha hua kaam aa gai diwangi apni

wagarna hum zamane bhar ko samjhane kahan jate

maiñ chāhtā thā ki us ko gulāb pesh karūñ

vo ḳhud gulāb thā us ko gulāb kyā detā

main chahta tha ki us ko gulab pesh karun

wo KHud gulab tha us ko gulab kya deta

mohabbat ek ḳhushbū hai hamesha saath chaltī hai

koī insān tanhā.ī meñ bhī tanhā nahīñ rahtā

mohabbat ek KHushbu hai hamesha sath chalti hai

koi insan tanhai mein bhi tanha nahin rahta

log kāñToñ se bach ke chalte haiñ

maiñ ne phūloñ se zaḳhm khaa.e haiñ

log kanTon se bach ke chalte hain

main ne phulon se zaKHm khae hain

ek chehra hai jo āñkhoñ meñ basā rahtā hai

ik tasavvur hai jo tanhā nahīñ hone detā

ek chehra hai jo aankhon mein basa rahta hai

ek tasawwur hai jo tanha nahin hone deta

ilaaj apnā karāte phir rahe ho jaane kis kis se

mohabbat kar ke dekho nā mohabbat kyuuñ nahīñ karte

ilaj apna karaate phir rahe ho jaane kis kis se

mohabbat kar ke dekho na mohabbat kyun nahin karte

ik roz khel khel meñ ham us ke ho ga.e

aur phir tamām umr kisī ke nahīñ hue

ek roz khel khel mein hum us ke ho gae

aur phir tamam umr kisi ke nahin hue

sirf us ke hoñT kāġhaz par banā detā huuñ maiñ

ḳhud banā letī hai hoñToñ par hañsī apnī jagah

sirf us ke honT kaghaz par bana deta hun main

KHud bana leti hai honTon par hansi apni jagah

aaj bhī shāyad koī phūloñ kā tohfa bhej de

titliyāñ mañDlā rahī haiñ kāñch ke gul-dān par

aaj bhi shayad koi phulon ka tohfa bhej de

titliyan manDla rahi hain kanch ke gul-dan par

is ta.alluq meñ nahīñ mumkin talāq

ye mohabbat hai koī shādī nahīñ

is talluq mein nahin mumkin talaq

ye mohabbat hai koi shadi nahin

apne jaisī koī tasvīr banānī thī mujhe

mire andar se sabhī rañg tumhāre nikle

apne jaisi koi taswir banani thi mujhe

mere andar se sabhi rang tumhaare nikle

phuul hī phuul yaad aate haiñ

aap jab jab bhī muskurāte haiñ

phul hi phul yaad aate hain

aap jab jab bhi muskuraate hain

har mulāqāt pe siine se lagāne vaale

kitne pyāre haiñ mujhe chhoḌ ke jaane vaale

har mulaqat pe sine se lagane wale

kitne pyare hain mujhe chhoD ke jaane wale

agarche phuul ye apne liye ḳharīde haiñ

koī jo pūchhe to kah dūñgā us ne bheje haiñ

agarche phul ye apne liye KHaride hain

koi jo puchhe to kah dunga us ne bheje hain

dil mujhe us galī meñ le jā kar

aur bhī ḳhaak meñ milā laayā

dil mujhe us gali mein le ja kar

aur bhi KHak mein mila laya

jab se tū ne mujhe dīvāna banā rakkhā hai

sañg har shaḳhs ne hāthoñ meñ uThā rakkhā hai

jab se tu ne mujhe diwana bana rakkha hai

sang har shaKHs ne hathon mein uTha rakkha hai

suno ki ab ham gulāb deñge gulāb leñge

mohabbatoñ meñ koī ḳhasāra nahīñ chalegā

suno ki ab hum gulab denge gulab lenge

mohabbaton mein koi KHasara nahin chalega

ham ko kis ke ġham ne maarā ye kahānī phir sahī

kis ne toḌā dil hamārā ye kahānī phir sahī

hum ko kis ke gham ne mara ye kahani phir sahi

kis ne toDa dil hamara ye kahani phir sahi

phuul khile haiñ likhā huā hai toḌo mat

aur machal kar jī kahtā hai chhoḌo mat

phul khile hain likha hua hai toDo mat

aur machal kar ji kahta hai chhoDo mat

ik be-qarār dil se mulāqāt kījiye

jab mil ga.e haiñ aap to kuchh baat kījiye

ek be-qarar dil se mulaqat kijiye

jab mil gae hain aap to kuchh baat kijiye

ham bahut duur nikal aa.e haiñ chalte chalte

ab Thahar jaa.eñ kahīñ shaam ke Dhalte Dhalte

hum bahut dur nikal aae hain chalte chalte

ab Thahar jaen kahin sham ke Dhalte Dhalte

mere ghar ke tamām darvāze

tum se karte haiñ pyaar aa jaao

mere ghar ke tamam darwaze

tum se karte hain pyar aa jao

kāñTe to ḳhair kāñTe haiñ is kā gila hī kyā

phūloñ kī vārdāt se ghabrā ke pī gayā

kanTe to KHair kanTe hain is ka gila hi kya

phulon ki wardat se ghabra ke pi gaya

mohabbat ko chhupā.e laakh koī chhup nahīñ saktī

ye vo afsāna hai jo be-kahe mash.hūr hotā hai

mohabbat ko chhupae lakh koi chhup nahin sakti

ye wo afsana hai jo be-kahe mashhur hota hai

hamesha hāthoñ meñ hote haiñ phuul un ke liye

kisī ko bhej ke mañgvāne thoḌī hote haiñ

hamesha hathon mein hote hain phul un ke liye

kisi ko bhej ke mangwane thoDi hote hain

tum ko bhulā rahī thī ki tum yaad aa ga.e

maiñ zahr khā rahī thī ki tum yaad ga.e

tum ko bhula rahi thi ki tum yaad aa gae

main zahr kha rahi thi ki tum yaad gae

maiñ ghaTtā jā rahā huuñ apne andar

tumheñ itnā ziyāda kar liyā hai

main ghaTta ja raha hun apne andar

tumhein itna ziyaada kar liya hai