muskurāne kī kyā zarūrat hai

aap yuuñ bhī udaas lagte haiñ

muskurane ki kya zarurat hai

aap yun bhi udas lagte hain

ham kaise zinda haiñ ab tak

ham ko bhī hairat hotī hai

hum kaise zinda hain ab tak

hum ko bhi hairat hoti hai

bas itnī sī baat thī us kī zulf zarā lahrā.ī thī

ḳhauf-zada har shaam kā manzar sahmī sī har raat milī

bas itni si baat thi us ki zulf zara lahrai thi

KHauf-zada har sham ka manzar sahmi si har raat mili

be-sabab donoñ meñ har ek ko dilchaspī thī

aur har ek se bezār the ham bhī tum bhī

be-sabab donon mein har ek ko dilchaspi thi

aur har ek se bezar the hum bhi tum bhi

sunī añdheroñ kī sugbugāhaT to shaam yādoñ kī kahkashāñ se

chhupe hue māhtāb nikle bujhe hue āftāb nikle

suni andheron ki sugbugahaT to sham yaadon ki kahkashan se

chhupe hue mahtab nikle bujhe hue aaftab nikle

hameñ bhī vaqt ke tūfān mil kar khā ga.e āḳhir

har ik kashtī ko mil jaatā hai sāhil ham bhī kahte the

hamein bhi waqt ke tufan mil kar kha gae aaKHir

har ek kashti ko mil jata hai sahil hum bhi kahte the

dil ka.ī saal se marghaT kī tarah suunā hai

ham ka.ī saal se raushan haiñ chitāoñ kī tarah

dil kai sal se marghaT ki tarah suna hai

hum kai sal se raushan hain chitaon ki tarah

ḳhabar hai koī chārāgar aa.egā

salīqe se baiThe haiñ bīmār sab

KHabar hai koi chaaragar aaega

saliqe se baiThe hain bimar sab

musāfir tirā zikr karte rahe

mahaktā rahā rāsta der tak

musafir tera zikr karte rahe

mahakta raha rasta der tak

ab sañg-bāriyoñ kā amal sard paḌ gayā

ab us taraf bhī rañj mire TūTne kā hai

ab sang-bariyon ka amal sard paD gaya

ab us taraf bhi ranj mere TuTne ka hai

mirī vahshat mire sahrā meñ un ko DhūñDhtī hai

jo the do-chār chehre jaane pahchāne se pahle

meri wahshat mere sahra mein un ko DhunDhti hai

jo the do-chaar chehre jaane pahchane se pahle

thā zahr ko hoñToñ se lagānā hī munāsib

varna ye mirī tishna-labī kam nahīñ hotī

tha zahr ko honTon se lagana hi munasib

warna ye meri tishna-labi kam nahin hoti

baḌī hī karbnāk thī vo pahlī raat hijr kī

dobāra dil meñ aisā dard aaj tak nahīñ huā

baDi hi karbnak thi wo pahli raat hijr ki

dobara dil mein aisa dard aaj tak nahin hua

lagtā hai kahīñ pyaar meñ thoḌī sī kamī thī

aur pyaar meñ thoḌī sī kamī kam nahīñ hotī

lagta hai kahin pyar mein thoDi si kami thi

aur pyar mein thoDi si kami kam nahin hoti

nazar bachā.e guzar jā.ūñ paas se us ke

use bhī aaj zarā sā Darā diyā jaa.e

nazar bachae guzar jaun pas se us ke

use bhi aaj zara sa Dara diya jae

be-sabab donoñ meñ har ek ko dilchaspī thī

aur har ek se bezār the ham bhī tum bhī

be-sabab donon mein har ek ko dilchaspi thi

aur har ek se bezar the hum bhi tum bhi

anginat safīnoñ meñ diip jagmagāte haiñ

raat ne luTāyā hai rañg-o-nūr paanī par

anginat safinon mein dip jagmagate hain

raat ne luTaya hai rang-o-nur pani par

pūchho zarā ye kaun sī duniyā se aa.e haiñ

kuchh log kah rahe haiñ hameñ koī ġham nahīñ

puchho zara ye kaun si duniya se aae hain

kuchh log kah rahe hain hamein koi gham nahin

jis ko chāhā bas usī kā rāsta takte rahe

pattharoñ kī justujū meñ ḳhud ko patthar kar liyā

jis ko chaha bas usi ka rasta takte rahe

pattharon ki justuju mein KHud ko patthar kar liya

vahshī raqs chamakte ḳhanjar surḳh alaav

jangal jangal kāñTe-dār qabīle phuul

wahshi raqs chamakte KHanjar surKH alaw

jangal jangal kanTe-dar qabile phul

kuchh der us ne dekh liyā chāñd kī taraf

kuchh der aaj chāñd ko itrānā chāhiye

kuchh der us ne dekh liya chand ki taraf

kuchh der aaj chand ko itrana chahiye

ġhair chehre ajnabī māhaul mub.ham se nuqūsh

maiñ jahāñ pahuñchā vahī merā vatan sābit huā

ghair chehre ajnabi mahaul mubham se nuqush

main jahan pahuncha wahi mera watan sabit hua

be-sabab donoñ meñ har ek ko dilchaspī thī

aur har ek se bezār the ham bhī tum bhī

be-sabab donon mein har ek ko dilchaspi thi

aur har ek se bezar the hum bhi tum bhi

kabhī tamām to kar bad-gumāniyoñ kā safar

kisī bahāne kisī roz aazmā to sahī

kabhi tamam to kar bad-gumaniyon ka safar

kisi bahane kisi roz aazma to sahi