Top 20 Kitab Shayari

dhuup meñ niklo ghaTāoñ meñ nahā kar dekho

zindagī kyā hai kitāboñ ko haTā kar dekho

dhup mein niklo ghaTaon mein naha kar dekho

zindagi kya hai kitabon ko haTa kar dekho

ye ilm kā saudā ye risāle ye kitābeñ

ik shaḳhs kī yādoñ ko bhulāne ke liye haiñ

ye ilm ka sauda ye risale ye kitaben

ek shaKHs ki yaadon ko bhulane ke liye hain

ilm meñ bhī surūr hai lekin

ye vo jannat hai jis meñ huur nahīñ

ilm mein bhi surur hai lekin

ye wo jannat hai jis mein hur nahin

ilm kī ibtidā hai hañgāma

ilm kī intihā hai ḳhāmoshī

ilm ki ibtida hai hangama

ilm ki intiha hai KHamoshi

had se baḌhe jo ilm to hai jahl dosto

sab kuchh jo jānte haiñ vo kuchh jānte nahīñ

had se baDhe jo ilm to hai jahl dosto

sab kuchh jo jaante hain wo kuchh jaante nahin

kāġhaz meñ dab ke mar ga.e kiiḌe kitāb ke

dīvāna be-paḌhe-likhe mash.hūr ho gayā

kaghaz mein dab ke mar gae kiDe kitab ke

diwana be-paDhe-likhe mashhur ho gaya

yahī jaanā ki kuchh na jaanā haa.e

so bhī ik umr meñ huā ma.alūm

yahi jaana ki kuchh na jaana hae

so bhi ek umr mein hua malum

khaḌā huuñ aaj bhī roTī ke chaar harf liye

savāl ye hai kitāboñ ne kyā diyā mujh ko

khaDa hun aaj bhi roTi ke chaar harf liye

sawal ye hai kitabon ne kya diya mujh ko

qabroñ meñ nahīñ ham ko kitāboñ meñ utāro

ham log mohabbat kī kahānī meñ mareñ haiñ

qabron mein nahin hum ko kitabon mein utaro

hum log mohabbat ki kahani mein maren hain

tujhe kitāb se mumkin nahīñ farāġh ki tū

kitāb-ḳhvāñ hai magar sāhib-e-kitāb nahīñ

tujhe kitab se mumkin nahin faragh ki tu

kitab-KHwan hai magar sahib-e-kitab nahin

ādamiyyat aur shai hai ilm hai kuchh aur shai

kitnā tote ko paḌhāyā par vo haivāñ hī rahā

aadamiyyat aur shai hai ilm hai kuchh aur shai

kitna tote ko paDhaya par wo haiwan hi raha

kuchh aur sabaq ham ko zamāne ne sikhā.e

kuchh aur sabaq ham ne kitāboñ meñ paḌhe the

kuchh aur sabaq hum ko zamane ne sikhae

kuchh aur sabaq hum ne kitabon mein paDhe the

kidhar se barq chamaktī hai dekheñ ai vaa.iz

maiñ apnā jaam uThātā huuñ tū kitāb uThā

kidhar se barq chamakti hai dekhen ai waiz

main apna jam uThata hun tu kitab uTha

rahtā thā sāmne tirā chehra khulā huā

paḌhtā thā maiñ kitāb yahī har class meñ

rahta tha samne tera chehra khula hua

paDhta tha main kitab yahi har class mein

ibtidā ye thī ki maiñ thā aur da.avā ilm kā

intihā ye hai ki is da.ave pe sharmāyā bahut

ibtida ye thi ki main tha aur dawa ilm ka

intiha ye hai ki is dawe pe sharmaya bahut

chehra khulī kitāb hai unvān jo bhī do

jis ruḳh se bhī paḌhoge mujhe jaan jāoge

chehra khuli kitab hai unwan jo bhi do

jis ruKH se bhi paDhoge mujhe jaan jaoge

bārūd ke badle hāthoñ meñ aa jaa.e kitāb to achchhā ho

ai kaash hamārī āñkhoñ kā ikkīsvāñ ḳhvāb to achchhā ho

barud ke badle hathon mein aa jae kitab to achchha ho

ai kash hamari aankhon ka ikkiswan KHwab to achchha ho

mire qabīle meñ ta.alīm kā rivāj na thā

mire buzurg magar taḳhtiyāñ banāte the

mere qabile mein talim ka riwaj na tha

mere buzurg magar taKHtiyan banate the

kitāb khol ke dekhūñ to aañkh rotī hai

varaq varaq tirā chehrā dikhā.ī detā hai

kitab khol ke dekhun to aankh roti hai

waraq waraq tera chehra dikhai deta hai