Ada Shayari

Lovers are known for acting in too many ways. Some of them are quite pleasant. Lovers’ looks, their shyness, coquetry, mischief etc. are the acts of love that please lovers. Even their movement, their smile, their way of speaking, or maintaining silence are the acts that engross the poets’ attention. You may experience these in this selection.

aafat to hai vo naaz bhī andāz bhī lekin

martā huuñ maiñ jis par vo adā aur kuchh hai

aafat to hai wo naz bhi andaz bhi lekin

marta hun main jis par wo ada aur hi kuchh hai

Ameer Minai
  • Share this

aap ne tasvīr bhejī maiñ ne dekhī ġhaur se

har adā achchhī ḳhamoshī adā achchhī nahīñ

aap ne taswir bheji main ne dekhi ghaur se

har ada achchhi KHamoshi ki ada achchhi nahin

Jaleel Manikpuri
  • Share this

adā aa.ī jafā aa.ī ġhurūr aayā hijāb aayā

hazāroñ āfateñ le kar hasīnoñ par shabāb aayā

ada aai jafa aai ghurur aaya hijab aaya

hazaron aafaten le kar hasinon par shabab aaya

Nooh Narvi
  • Share this

adā adā tirī mauj-e-sharāb ho ke rahī

nigāh-e-mast se duniyā ḳharāb ho ke rahī

ada ada teri mauj-e-sharab ho ke rahi

nigah-e-mast se duniya KHarab ho ke rahi

Jaleel Manikpuri

adā se dekh lo jaatā rahe gila dil

bas ik nigāh pe Thahrā hai faisla dil

ada se dekh lo jata rahe gila dil ka

bas ek nigah pe Thahra hai faisla dil ka

Arshad Ali Khan Qalaq
  • Share this

adā.eñ dekhne baiThe ho kyā ā.īne meñ apnī

diyā hai jis ne tum jaise ko dil us jigar dekho

adaen dekhne baiThe ho kya aaine mein apni

diya hai jis ne tum jaise ko dil us ka jigar dekho

Bekhud Dehlvi

andāz apnā dekhte haiñ aa.ine meñ vo

aur ye bhī dekhte haiñ koī dekhtā na ho

looking in the mirror she sees her savoir-faire

and also looks to see no one is peeping there

andaz apna dekhte hain aaine mein wo

aur ye bhi dekhte hain koi dekhta na ho

looking in the mirror she sees her savoir-faire

and also looks to see no one is peeping there

Nizam Rampuri

barq ko abr ke dāman meñ chhupā dekhā hai

ham ne us shoḳh ko majbūr-e-hayā dekhā hai

hidden midst the clouds, lightning I did see

that sprite was today subdued by modesty

barq ko abr ke daman mein chhupa dekha hai

hum ne us shoKH ko majbur-e-haya dekha hai

hidden midst the clouds, lightning I did see

that sprite was today subdued by modesty

Hasrat Mohani

be-ḳhud bhī haiñ hoshiyār bhī haiñ dekhne vaale

in mast nigāhoñ adā aur kuchh hai

be-KHud bhi hain hoshiyar bhi hain dekhne wale

in mast nigahon ki ada aur hi kuchh hai

Abul Kalam Azad

bole vo muskurā ke bahut iltijā ke ba.ad

to ye chāhtā hai tirī maan jā.iye

bole wo muskura ke bahut iltija ke baad

ji to ye chahta hai teri man jaiye

Bekhud Dehlvi

hayā se sar jhukā lenā adā se muskurā denā

hasīnoñ ko bhī kitnā sahl hai bijlī girā denā

how easy is for these maidens to make the lightening fall

haya se sar jhuka lena ada se muskura dena

hasinon ko bhi kitna sahl hai bijli gira dena

how easy is for these maidens to make the lightening fall

Akbar Allahabadi

is adā se mujhe salām kiyā

ek aan meñ ġhulām kiyā

is ada se mujhe salam kiya

ek hi aan mein ghulam kiya

Asif-ud-Daula
  • Share this

is sādgī pe kaun na mar jaa.e ai ḳhudā

laḌte haiñ aur haath meñ talvār bhī nahīñ

is sadgi pe kaun na mar jae ai KHuda

laDte hain aur hath mein talwar bhi nahin

Mirza Ghalib

jaam le kar mujh se vo kahtā hai apne muñh ko pher

rū-ba-rū yuuñ tere mai piine se sharmāte haiñ ham

jam le kar mujh se wo kahta hai apne munh ko pher

ru-ba-ru yun tere mai pine se sharmate hain hum

Ghamgeen Dehlvi

kare hai adāvat bhī vo is adā se

lage hai ki jaise mohabbat kare hai

kare hai adawat bhi wo is ada se

lage hai ki jaise mohabbat kare hai

Kaleem Aajiz

ḳhūb-rū haiñ saikḌoñ lekin nahīñ terā javāb

dilrubā.ī meñ adā meñ naaz meñ andāz meñ

KHub-ru hain saikDon lekin nahin tera jawab

dilrubai mein ada mein naz mein andaz mein

Lala Madhav Ram Jauhar
  • Share this

lagāvaT adā se un kahnā paan hāzir hai

qayāmat hai sitam hai dil fidā hai jaan hāzir hai

lagawaT ki ada se un ka kahna pan hazir hai

qayamat hai sitam hai dil fida hai jaan hazir hai

Akbar Allahabadi
  • Share this

nigāheñ is qadar qātil ki uff uff

adā.eñ is qadar pyārī ki tauba

nigahen is qadar qatil ki uff uff

adaen is qadar pyari ki tauba

Arzoo Lakhnavi
  • Share this

pāmāl kar ke pūchhte haiñ kis adā se vo

is dil meñ aag thī mire talve jhulas ga.e

pamal kar ke puchhte hain kis ada se wo

is dil mein aag thi mere talwe jhulas gae

Agha Shayar Qazalbash
  • Share this

pahle is meñ ik adā thī naaz thā andāz thā

rūThnā ab to tirī aadat meñ shāmil ho gayā

pahle is mein ek ada thi naz tha andaz tha

ruThna ab to teri aadat mein shamil ho gaya

Agha Shayar Qazalbash
  • Share this

parda-e-lutf meñ ye zulm-o-sitam kyā kahiye

haa.e zālim tirā andāz-e-karam kyā kahiye

parda-e-lutf mein ye zulm-o-sitam kya kahiye

hae zalim tera andaz-e-karam kya kahiye

Firaq Gorakhpuri
  • Share this

phuul kah dene se afsurda koī hotā hai

sab adā.eñ tirī achchhī haiñ nazākat ke sivā

phul kah dene se afsurda koi hota hai

sab adaen teri achchhi hain nazakat ke siwa

Jaleel Manikpuri
  • Share this

pūchhā jo un se chāñd nikaltā hai kis tarah

zulfoñ ko ruḳh pe Daal ke jhaTkā diyā ki yuuñ

puchha jo un se chand nikalta hai kis tarah

zulfon ko ruKH pe Dal ke jhaTka diya ki yun

Arzoo Lakhnavi
  • Share this

saath shoḳhī ke kuchh hijāb bhī hai

is adā kahīñ javāb bhī hai

sath shoKHi ke kuchh hijab bhi hai

is ada ka kahin jawab bhi hai

Dagh Dehlvi
  • Share this

tanhā vo aa.eñ jaa.eñ ye hai shaan ke ḳhilāf

aanā hayā ke saath hai jaanā adā ke saath

tanha wo aaen jaen ye hai shan ke KHilaf

aana haya ke sath hai jaana ada ke sath

Jaleel Manikpuri
  • Share this

umr bhar milne nahīñ detī haiñ ab to ranjisheñ

vaqt ham se ruuTh jaane adā tak le gayā

umr bhar milne nahin deti hain ab to ranjishen

waqt hum se ruTh jaane ki ada tak le gaya

Fasih Akmal

vo kuchh muskurānā vo kuchh jheñp jaanā

javānī adā.eñ sikhātī haiñ kyā kyā

wo kuchh muskurana wo kuchh jhenp jaana

jawani adaen sikhati hain kya kya

Bekhud Dehlvi
  • Share this

ye adā.eñ ye ishāre ye hasīñ qaul-o-qarār

kitne ādāb ke parde meñ hai inkār baat

ye adaen ye ishaare ye hasin qaul-o-qarar

kitne aadab ke parde mein hai inkar ki baat

Khalid Yusuf

ye jo sar nīche kiye baiThe haiñ

jaan kitnoñ liye baiThe haiñ

ye jo sar niche kiye baiThe hain

jaan kitnon ki liye baiThe hain

Jaleel Manikpuri

zālim ne kyā nikālī raftār rafta rafta

is chaal par chalegī talvār rafta rafta

zalim ne kya nikali raftar rafta rafta

is chaal par chalegi talwar rafta rafta

Dagh Dehlvi
  • Share this

zamāna husn nazākat balā jafā shoḳhī

simaT ke aa ga.e sab aap adāoñ meñ

zamana husn nazakat bala jafa shoKHi

simaT ke aa gae sab aap ki adaon mein

Kalidas Gupta Raza
  • Share this

Favorite added successfully

Favorite removed successfully