aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

Sher on Chaand

Moon is a stock image

and metaphor of Urdu poetry. It has been treated both as a cliché and a fresh symbol. While it spread its cool light, it remains unreachable. It has been appropriated in many contexts but especially in the romantic and the spiritualist contexts. Here is a selection. Read and enjoy.

us ke chehre chamak ke sāmne saada lagā

āsmāñ pe chāñd puurā thā magar aadhā lagā

us ke chehre ki chamak ke samne sada laga

aasman pe chand pura tha magar aadha laga

Iftikhar Naseem

kal chaudhvīñ raat thī shab bhar rahā charchā tirā

kuchh ne kahā ye chāñd hai kuchh ne kahā chehrā tirā

T'was a full moon out last night, all evening there was talk of you

Some people said it was the moon,and some said that it was you

kal chaudhwin ki raat thi shab bhar raha charcha tera

kuchh ne kaha ye chand hai kuchh ne kaha chehra tera

T'was a full moon out last night, all evening there was talk of you

Some people said it was the moon,and some said that it was you

Ibn e Insha

eid chāñd tum ne dekh liyā

chāñd eid ho ga.ī hogī

eid ka chand tum ne dekh liya

chand ki eid ho gai hogi

Idris Azad

itne ghane bādal ke pīchhe

kitnā tanhā hogā chāñd

itne ghane baadal ke pichhe

kitna tanha hoga chand

Parveen Shakir

har ek raat ko mahtāb dekhne ke liye

maiñ jāgtā huuñ tirā ḳhvāb dekhne ke liye

har ek raat ko mahtab dekhne ke liye

main jagta hun tera KHwab dekhne ke liye

Azhar Inayati

phuul gul shams o qamar saare the

par hameñ un meñ tumhīñ bhaa.e bahut

phul gul shams o qamar sare hi the

par hamein un mein tumhin bhae bahut

Meer Taqi Meer

vo chāñd kah ke gayā thā ki aaj niklegā

to intizār meñ baiThā huā huuñ shaam se maiñ

wo chand kah ke gaya tha ki aaj niklega

to intizar mein baiTha hua hun sham se main

Farhat Ehsas

bechain is qadar thā ki soyā na raat bhar

palkoñ se likh rahā thā tirā naam chāñd par

bechain is qadar tha ki soya na raat bhar

palkon se likh raha tha tera nam chand par

Unknown

chāñd bhī hairān dariyā bhī pareshānī meñ hai

aks kis hai ki itnī raushnī paanī meñ hai

chand bhi hairan dariya bhi pareshani mein hai

aks kis ka hai ki itni raushni pani mein hai

Farhat Ehsas

vo kaun thā jo din ke ujāle meñ kho gayā

ye chāñd kis ko DhūñDne niklā hai shaam se

wo kaun tha jo din ke ujale mein kho gaya

ye chand kis ko DhunDne nikla hai sham se

Adil Mansuri

gul ho mahtāb ho ā.īna ho ḳhurshīd ho miir

apnā mahbūb vahī hai jo adā rakhtā ho

gul ho mahtab ho aaina ho KHurshid ho mir

apna mahbub wahi hai jo ada rakhta ho

Meer Taqi Meer

raat ke shāyad ek baje haiñ

sotā hogā merā chāñd

raat ke shayad ek baje hain

sota hoga mera chand

Parveen Shakir

kabhī to āsmāñ se chāñd utre jaam ho jaa.e

tumhāre naam ik ḳhūb-sūrat shaam ho jaa.e

kabhi to aasman se chand utre jam ho jae

tumhaare nam ki ek KHub-surat sham ho jae

Bashir Badr

vo rāteñ chāñd ke saath ga.iiñ vo bāteñ chāñd ke saath ga.iiñ

ab sukh ke sapne kyā dekheñ jab dukh sūraj sar par ho

wo raaten chand ke sath gain wo baaten chand ke sath gain

ab sukh ke sapne kya dekhen jab dukh ka suraj sar par ho

Ibn e Insha

falak pe chāñd sitāre nikalte haiñ har shab

sitam yahī hai nikaltā nahīñ hamārā chāñd

falak pe chand sitare nikalte hain har shab

sitam yahi hai nikalta nahin hamara chand

Pandit Jawahar Nath Saqi

dekhā hilāl-e-eid to aayā terā ḳhayāl

vo āsmāñ chāñd hai merā chāñd hai

dekha hilal-e-eid to aaya tera KHayal

wo aasman ka chand hai tu mera chand hai

Unknown

chāñd se tujh ko jo de nisbat so be-insāf hai

chāñd ke muñh par haiñ chhā.īñ terā mukhḌā saaf hai

chand se tujh ko jo de nisbat so be-insaf hai

chand ke munh par hain chhain tera mukhDa saf hai

Shaikh Zahuruddin Hatim

mujh ko ma.alūm hai mahbūb-parastī azaab

der se chāñd nikalnā bhī ġhalat lagtā hai

mujh ko malum hai mahbub-parasti ka azab

der se chand nikalna bhi ghalat lagta hai

Ahmad Kamal Parwazi

ham-safar ho to koī apnā-sā

chāñd ke saath chaloge kab tak

ham-safar ho to koi apna-sa

chand ke sath chaloge kab tak

Shohrat Bukhari

paañv sākit ho ga.e 'sarvat' kisī ko dekh kar

ik kashish mahtāb jaisī chehra-e-dilbar meñ thī

panw sakit ho gae 'sarwat' kisi ko dekh kar

ek kashish mahtab jaisi chehra-e-dilbar mein thi

Sarvat Husain

chāñd husn bhī zamīn se hai

chāñd par chāndnī nahīñ hotī

chand ka husn bhi zamin se hai

chand par chandni nahin hoti

Ibn-e-Safi

ai kaash hamārī qismat meñ aisī bhī koī shaam aa jaa.e

ik chāñd falak par niklā ho ik chāñd sar-e-bām aa jaa.e

ai kash hamari qismat mein aisi bhi koi sham aa jae

ek chand falak par nikla ho ek chand sar-e-baam aa jae

Anwar Mirzapuri

ka.ī chāñd the sar-e-āsmāñ ki chamak chamak ke palaT ga.e

na lahū mire jigar meñ thā na tumhārī zulf siyāh thī

kai chand the sar-e-asman ki chamak chamak ke palaT gae

na lahu mere hi jigar mein tha na tumhaari zulf siyah thi

Ahmad Mushtaq

lutf-e-shab-e-mah ai dil us dam mujhe hāsil ho

ik chāñd baġhal meñ ho ik chāñd muqābil ho

lutf-e-shab-e-mah ai dil us dam mujhe hasil ho

ek chand baghal mein ho ek chand muqabil ho

Mirza Mohammad Taqi Hawas

raat ko roz Duub jaatā hai

chāñd ko tairnā sikhānā hai

raat ko roz Dub jata hai

chand ko tairna sikhana hai

Bedil Haidri

chāñd meñ nazar aayā thā mujhe

maiñ ne mahtāb nahīñ dekhā thā

chand mein tu nazar aaya tha mujhe

main ne mahtab nahin dekha tha

Abdurrahman momin

vo chaar chāñd falak ko lagā chalā huuñ 'qamar'

ki mere ba.ad sitāre kaheñge afsāne

wo chaar chand falak ko laga chala hun 'qamar'

ki mere baad sitare kahenge afsane

Qamar Jalalvi

ik dīvār pe chāñd Tikā thā

maiñ ye samjhā tum baiThe ho

ek diwar pe chand Tika tha

main ye samjha tum baiThe ho

Bashir Badr

ye kis zohra-jabīñ anjuman meñ aamad aamad hai

bichhāyā hai qamar ne chāñdnī farsh mahfil meñ

ye kis zohra-jabin ki anjuman mein aamad aamad hai

bichhaya hai qamar ne chandni ka farsh mahfil mein

Syed Yusuf Ali Khan Nazim

rusvā karegī dekh ke duniyā mujhe 'qamar'

is chāñdnī meñ un ko bulāne ko jaa.e kaun

ruswa karegi dekh ke duniya mujhe 'qamar'

is chandni mein un ko bulane ko jae kaun

Qamar Jalalvi

sab sitāre dilāsa dete haiñ

chāñd rātoñ ko chīḳhtā hai bahut

sab sitare dilasa dete hain

chand raaton ko chiKHta hai bahut

Alok Mishra

bārish ke ba.ad raat saḌak aa.ina thī

ik paañv pāniyoñ pe paḌā chāñd hil gayā

barish ke baad raat saDak aaina si thi

ek panw paniyon pe paDa chand hil gaya

Khvaja hasan askari

tum jise chāñd kahte ho vo asl meñ

āsmāñ ke badan par koī ghaav hai

tum jise chand kahte ho wo asl mein

aasman ke badan par koi ghaw hai

Tripurari

chāñd ḳhāmosh rahā thā kahīñ

ham ne bhī us se koī baat na

chand KHamosh ja raha tha kahin

hum ne bhi us se koi baat na ki

Mahmood Ayaz

ham ne us chehre ko bāñdhā nahīñ mahtāb-misāl

ham ne mahtāb ko us ruḳh ke mumāsil bāñdhā

hum ne us chehre ko bandha nahin mahtab-misal

hum ne mahtab ko us ruKH ke mumasil bandha

Iftikhar Mughal

haath meñ chāñd jahāñ aayā muqaddar chamkā

sab badal jā.egā qismat likhā jaam uThā

hath mein chand jahan aaya muqaddar chamka

sab badal jaega qismat ka likha jam uTha

Bashir Badr

aisā ho zindagī meñ koī ḳhvāb na ho

añdhiyārī raat meñ koī mahtāb na ho

aisa ho zindagi mein koi KHwab hi na ho

andhiyari raat mein koi mahtab hi na ho

Khaleel Mamoon

duur ke chāñd ko DhūñDo na kisī āñchal meñ

ye ujālā nahīñ āñgan meñ samāne vaalā

dur ke chand ko DhunDo na kisi aanchal mein

ye ujala nahin aangan mein samane wala

Nida Fazli

phuul bāhar hai ki andar hai mire siine meñ

chāñd raushan hai ki maiñ aap tābinda huuñ

phul bahar hai ki andar hai mere sine mein

chand raushan hai ki main aap hi tabinda hun

Ahmad Shanas

raat ik shaḳhs bahut yaad aayā

jis ghaḌī chāñd numūdār huā

raat ek shaKHs bahut yaad aaya

jis ghaDi chand numudar hua

Aziz Ahmad Khan Shafaq

āsmān aur zamīñ hai tafāvut har-chand

ai sanam duur se chāñd mukhḌā dikhlā

aasman aur zamin ka hai tafawut har-chand

ai sanam dur hi se chand sa mukhDa dikhla

Haidar Ali Aatish

chāñd meñ kaise nazar aa.e tirī sūrat mujhe

āñdhiyoñ se āsmāñ rañg mailā ho gayā

chand mein kaise nazar aae teri surat mujhe

aandhiyon se aasman ka rang maila ho gaya

Afzal Minhas

pūchhnā chāñd patā 'āzar'

jab akele meñ raat mil jaa.e

puchhna chand ka pata 'azar'

jab akele mein raat mil jae

Balwan Singh Azar

vo jugnū ho sitāra ho ki aañsū

añdhere meñ sabhī mahtāb se haiñ

wo jugnu ho sitara ho ki aansu

andhere mein sabhi mahtab se hain

Akhtar Shahjahanpuri

mujhe is ḳhvāb ne ik arse tak be-tāb rakkhā hai

ik ūñchī chhat hai aur chhat par koī mahtāb rakkhā hai

mujhe is KHwab ne ek arse tak be-tab rakkha hai

ek unchi chhat hai aur chhat par koi mahtab rakkha hai

Khawer Eijaz

mujhe ye zid hai kabhī chāñd ko asiir karūñ

so ab ke jhiil meñ ik dā.era banānā hai

mujhe ye zid hai kabhi chand ko asir karun

so ab ke jhil mein ek daera banana hai

Shahbaz Khwaja

merī tarah se ye bhī satāyā huā hai kyā

kyuuñ itne daaġh dikhte haiñ mahtāb meñ abhī

meri tarah se ye bhi sataya hua hai kya

kyun itne dagh dikhte hain mahtab mein abhi

Khaleel Mamoon

har rañg hai tere aage phīkā

mahtāb hai phuul chāñdnī

har rang hai tere aage phika

mahtab hai phul chandni ka

Jaleel Manikpuri

chāñd meñ nazar aayā thā mujhe

maiñ ne mahtāb nahīñ dekhā thā

chand mein tu nazar aaya tha mujhe

main ne mahtab nahin dekha tha

Abdurrahman momin

kaun saanī shahr meñ is mere mah-pāre hai

chāñd sūrat dupaTTa sar pe yak-tāre hai

kaun sani shahr mein is mere mah-pare ka hai

chand si surat dupaTTa sar pe yak-tare ka hai

Abdul Rahman Ehsan Dehlvi

Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

GET YOUR PASS
Speak Now