Sher on Intezar

tamām jism ko āñkheñ banā ke raah tako

tamām khel mohabbat meñ intizār kā hai

tamam jism ko aankhen bana ke rah tako

tamam khel mohabbat mein intizar ka hai

ab kaun muntazir hai hamāre liye vahāñ

shaam aa ga.ī hai lauT ke ghar jaa.eñ ham to kyā

ab kaun muntazir hai hamare liye wahan

sham aa gai hai lauT ke ghar jaen hum to kya

maiñ sochtā huuñ mujhe intizār kis kā hai

kivāḌ raat ko ghar kā agar khulā rah jaa.e

main sochta hun mujhe intizar kis ka hai

kiwaD raat ko ghar ka agar khula rah jae

ye vaqt band darīchoñ pe likh gayā 'qaisar'

maiñ jā rahā huuñ mirā intizār mat karnā

ye waqt band darichon pe likh gaya 'qaisar'

main ja raha hun mera intizar mat karna

na koī va.ada na koī yaqīñ na koī umiid

magar hameñ to tirā intizār karnā thā

na koi wada na koi yaqin na koi umid

magar hamein to tera intizar karna tha

raat bhī murjhā chalī chāñd bhī kumhlā gayā

phir bhī tirā intizār dekhiye kab tak rahe

raat bhi murjha chali chand bhi kumhla gaya

phir bhi tera intizar dekhiye kab tak rahe

qurbān sau tarah se kiyā tujh par aap ko

tū bhī kabhū to jaan na aayā bajā.e iid

qurban sau tarah se kiya tujh par aap ko

tu bhi kabhu to jaan na aaya bajae id

ye jo mohlat jise kahe haiñ umr

dekho to intizār sā hai kuchh

ye jo mohlat jise kahe hain umr

dekho to intizar sa hai kuchh

dekhā na hogā tū ne magar intizār meñ

chalte hue samay ko Thaharte hue bhī dekh

dekha na hoga tu ne magar intizar mein

chalte hue samay ko Thaharte hue bhi dekh

ġhazab kiyā tire va.ade pe e'tibār kiyā

tamām raat qayāmat kā intizār kiyā

ghazab kiya tere wade pe e'tibar kiya

tamam raat qayamat ka intizar kiya

hairāñ huuñ is qadar ki shab-e-vasl bhī mujhe

tū sāmne hai aur tirā intizār hai

hairan hun is qadar ki shab-e-wasl bhi mujhe

tu samne hai aur tera intizar hai

ab unheñ tashrīf laanā chāhiye

raat meñ likhtī hai raanī raat kī

ab unhen tashrif lana chahiye

raat mein likhti hai rani raat ki

jis ko aate dekhtā huuñ ai parī kahtā huuñ maiñ

aadmī bhejā na ho mere bulāne ke liye

jis ko aate dekhta hun ai pari kahta hun main

aadmi bheja na ho mere bulane ke liye

aadhī se ziyāda shab-e-ġham kaaT chukā huuñ

ab bhī agar aa jaao to ye raat baḌī hai

aadhi se ziyaada shab-e-gham kaT chuka hun

ab bhi agar aa jao to ye raat baDi hai

muddat se ḳhvāb meñ bhī nahīñ niiñd kā ḳhayāl

hairat meñ huuñ ye kis kā mujhe intizār hai

muddat se KHwab mein bhi nahin nind ka KHayal

hairat mein hun ye kis ka mujhe intizar hai

misāl-e-sham.a jalā huuñ dhuāñ sā bikhrā huuñ

maiñ intizār kī har kaifiyat se guzrā huuñ

misal-e-shama jala hun dhuan sa bikhra hun

main intizar ki har kaifiyat se guzra hun

maiñ ne samjhā thā ki lauT aate haiñ jaane vaale

tū ne jā kar to judā.ī mirī qismat kar dī

main ne samjha tha ki lauT aate hain jaane wale

tu ne ja kar to judai meri qismat kar di

ye kaisā nashsha hai maiñ kis ajab ḳhumār meñ huuñ

tū aa ke jā bhī chukā hai maiñ intizār meñ huuñ

ye kaisa nashsha hai main kis ajab KHumar mein hun

tu aa ke ja bhi chuka hai main intizar mein hun

tamām umr tirā intizār kar leñge

magar ye rañj rahegā ki zindagī kam hai

tamam umr tera intizar kar lenge

magar ye ranj rahega ki zindagi kam hai

nahīñ hai der yahāñ apnī jaan jaane meñ

tumhāre aane kā bas intizār baaqī hai

nahin hai der yahan apni jaan jaane mein

tumhaare aane ka bas intizar baqi hai

aap kā e'tibār kaun kare

roz kā intizār kaun kare

aap ka e'tibar kaun kare

roz ka intizar kaun kare

ishq meñ yaar gar vafā na kare

kyā kare koī aur kyā na kare

ishq mein yar gar wafa na kare

kya kare koi aur kya na kare

āhaTeñ sun rahā huuñ yādoñ kī

aaj bhī apne intizār meñ gum

aahaTen sun raha hun yaadon ki

aaj bhi apne intizar mein gum

vo intizār kī chaukhaT pe so gayā hogā

kisī se vaqt to pūchheñ ki kyā bajā hogā

wo intizar ki chaukhaT pe so gaya hoga

kisi se waqt to puchhen ki kya baja hoga

tere vaade ko kabhī jhuuT nahīñ samjhūñgā

aaj kī raat bhī darvāza khulā rakkhūñgā

tere wade ko kabhi jhuT nahin samjhunga

aaj ki raat bhi darwaza khula rakkhunga

tum aa ga.e ho tum mujh ko zarā sambhalne do

abhī to nashsha sā āñkhoñ meñ intizār kā hai

tum aa gae ho tum mujh ko zara sambhalne do

abhi to nashsha sa aankhon mein intizar ka hai

baḌe tābāñ baḌe raushan sitāre TuuT jaate haiñ

sahar kī raah taknā tā sahar āsāñ nahīñ hotā

baDe taban baDe raushan sitare TuT jate hain

sahar ki rah takna ta sahar aasan nahin hota

huā hai yuuñ bhī ki ik umr apne ghar na ga.e

ye jānte the koī raah dekhtā hogā

hua hai yun bhi ki ek umr apne ghar na gae

ye jaante the koi rah dekhta hoga

tire aane kā dhokā sā rahā hai

diyā sā raat bhar jaltā rahā hai

tere aane ka dhoka sa raha hai

diya sa raat bhar jalta raha hai

phir baiThe baiThe vāda-e-vasl us ne kar liyā

phir uTh khaḌā huā vahī rog intizār kā

phir baiThe baiThe wada-e-wasl us ne kar liya

phir uTh khaDa hua wahi rog intizar ka

thak ga.e ham karte karte intizār

ik qayāmat un kā aanā ho gayā

thak gae hum karte karte intizar

ek qayamat un ka aana ho gaya

chale bhī aao mire jīte-jī ab itnā bhī

na intizār baḌhāo ki niiñd aa jaa.e

chale bhi aao mere jite-ji ab itna bhi

na intizar baDhao ki nind aa jae

kaav kāv-e-saḳht-jānī hā.e-tanhā.ī na pūchh

sub.h karnā shaam kā laanā hai jū-e-shīr kā

kaw kaw-e-saKHt-jaani hae-tanhai na puchh

subh karna sham ka lana hai ju-e-shir ka

jis kī āñkhoñ meñ kaTī thiiñ sadiyāñ

us ne sadiyoñ kī judā.ī dī hai

jis ki aankhon mein kaTi thin sadiyan

us ne sadiyon ki judai di hai

mirī na.ash ke sirhāne vo khaḌe ye kah rahe haiñ

ise niiñd yuuñ na aatī agar intizār hotā

meri nash ke sirhane wo khaDe ye kah rahe hain

ise nind yun na aati agar intizar hota

hai ḳhushī intizār kī har dam

maiñ ye kyuuñ pūchhūñ kab mileñge aap

hai KHushi intizar ki har dam

main ye kyun puchhun kab milenge aap

ik raat vo gayā thā jahāñ baat rok ke

ab tak rukā huā huuñ vahīñ raat rok ke

ek raat wo gaya tha jahan baat rok ke

ab tak ruka hua hun wahin raat rok ke

mujhe ḳhabar thī mirā intizār ghar meñ rahā

ye hādsa thā ki maiñ umr bhar safar meñ rahā

mujhe KHabar thi mera intizar ghar mein raha

ye hadsa tha ki main umr bhar safar mein raha

shab-e-intizār kī kashmakash meñ na pūchh kaise sahar huī

kabhī ik charāġh jalā diyā kabhī ik charāġh bujhā diyā

shab-e-intizar ki kashmakash mein na puchh kaise sahar hui

kabhi ek charagh jala diya kabhi ek charagh bujha diya

allāh re be-ḳhudī ki tire paas baiTh kar

terā hī intizār kiyā hai kabhī kabhī

allah re be-KHudi ki tere pas baiTh kar

tera hi intizar kiya hai kabhi kabhi

va.ada nahīñ payām nahīñ guftugū nahīñ

hairat hai ai ḳhudā mujhe kyuuñ intizār hai

wada nahin payam nahin guftugu nahin

hairat hai ai KHuda mujhe kyun intizar hai

jise na aane kī qasmeñ maiñ de ke aayā huuñ

usī ke qadmoñ kī aahaT kā intizār bhī hai

jise na aane ki qasmen main de ke aaya hun

usi ke qadmon ki aahaT ka intizar bhi hai

ḳhatm ho jā.egā jis din bhī tumhārā intizār

ghar ke darvāze pe dastak chīḳhtī rah jā.egī

KHatm ho jaega jis din bhi tumhaara intizar

ghar ke darwaze pe dastak chiKHti rah jaegi

jāntā hai ki vo na ā.eñge

phir bhī masrūf-e-intizār hai dil

jaanta hai ki wo na aaenge

phir bhi masruf-e-intizar hai dil

khulā hai dar pa tirā intizār jaatā rahā

ḳhulūs to hai magar e'tibār jaatā rahā

khula hai dar pa tera intizar jata raha

KHulus to hai magar e'tibar jata raha

vo jald ā.eñge yā der meñ ḳhudā jaane

maiñ gul bichhā.ūñ ki kaliyāñ bichhā.ūñ bistar par

wo jald aaenge ya der mein KHuda jaane

main gul bichhaun ki kaliyan bichhaun bistar par

vo aa rahe haiñ vo aate haiñ aa rahe hoñge

shab-e-firāq ye kah kar guzār dī ham ne

wo aa rahe hain wo aate hain aa rahe honge

shab-e-firaq ye kah kar guzar di hum ne

darvāza khulā hai ki koī lauT na jaa.e

aur us ke liye jo kabhī aayā na gayā ho

darwaza khula hai ki koi lauT na jae

aur us ke liye jo kabhi aaya na gaya ho

be-ḳhudī le ga.ī kahāñ ham ko

der se intizār hai apnā

be-KHudi le gai kahan hum ko

der se intizar hai apna

din guzarte jā rahe haiñ aur hujūm-e-ḳhush-gumāñ

muntazir baiThā hai aab o ḳhaak se bichhḌā huā

din guzarte ja rahe hain aur hujum-e-KHush-guman

muntazir baiTha hai aab o KHak se bichhDa hua