Waqt Shayari

“It’s all a matter of time.” We have heard this and other expressions like this many a time. Apart from our usual notions about time as good or bad, time is also a philosophical concept. We all are subjected to time but we also make time our subject. Poetry in all languages has engaged with the idea and experience of time. Here are some examples from Urdu for you to appraise.

agar fursat mile paanī tahrīroñ ko paḌh lenā

har ik dariyā hazāroñ saal afsāna likhtā hai

agar fursat mile pani ki tahriron ko paDh lena

har ek dariya hazaron sal ka afsana likhta hai

Bashir Badr

'aḳhtar' guzarte lamhoñ aahaT pe yuuñ na chauñk

is mātamī julūs meñ ik zindagī bhī hai

'aKHtar' guzarte lamhon ki aahaT pe yun na chaunk

is matami julus mein ek zindagi bhi hai

Akhtar Hoshiyarpuri

alag siyāsat-e-darbāñ se dil meñ hai ik baat

ye vaqt merī rasā.ī vaqt hai ki nahīñ

alag siyasat-e-darban se dil mein hai ek baat

ye waqt meri rasai ka waqt hai ki nahin

Aziz Hamid Madni

allāh tere haath hai ab ābrū-e-shauq

dam ghuT rahā hai vaqt raftār dekh kar

allah tere hath hai ab aabru-e-shauq

dam ghuT raha hai waqt ki raftar dekh kar

Bismil Azimabadi

aur kyā chāhtī hai gardish-e-ayyām ki ham

apnā ghar bhuul ga.e un galī bhuul ga.e

aur kya chahti hai gardish-e-ayyam ki hum

apna ghar bhul gae un ki gali bhul gae

Jaun Eliya

bachchoñ ke saath aaj use dekhā to dukh huā

un meñ se koī ek bhī maañ par nahīñ gayā

bachchon ke sath aaj use dekha to dukh hua

un mein se koi ek bhi man par nahin gaya

Hasan Abbas Raza

chehra o naam ek saath aaj na yaad aa sake

vaqt ne kis shabīh ko ḳhvāb o ḳhayāl kar diyā

chehra o nam ek sath aaj na yaad aa sake

waqt ne kis shabih ko KHwab o KHayal kar diya

Parveen Shakir

dillī meñ aaj bhiik bhī miltī nahīñ unheñ

thā kal talak dimāġh jinheñ tāj-o-taḳht

dilli mein aaj bhik bhi milti nahin unhen

tha kal talak dimagh jinhen taj-o-taKHt ka

Meer Taqi Meer

ik saal gayā ik saal nayā hai aane ko

par vaqt ab bhī hosh nahīñ dīvāne ko

ek sal gaya ek sal naya hai aane ko

par waqt ka ab bhi hosh nahin diwane ko

Ibn e Insha

gayā jo haath se vo vaqt phir nahīñ aatā

kahāñ umiid ki phir din phireñ hamāre ab

gaya jo hath se wo waqt phir nahin aata

kahan umid ki phir din phiren hamare ab

Hafeez Jaunpuri

ġhazal us ne chheḌī mujhe saaz denā

zarā umr-e-rafta ko āvāz denā

ghazal us ne chheDi mujhe saz dena

zara umr-e-rafta ko aawaz dena

Safi Lakhnavi

guzarne na vo raat maiñ ne

ghaḌī par rakh diyā thā haath maiñ ne

guzarne hi na di wo raat main ne

ghaDi par rakh diya tha hath main ne

Shahzad Ahmad

guzarte vaqt ne kyā kyā na chāra-sāzī

vagarna zaḳhm jo us ne diyā thā kaarī thā

guzarte waqt ne kya kya na chaara-sazi ki

wagarna zaKHm jo us ne diya tha kari tha

Akhtar Hoshiyarpuri

hameñ har vaqt ye ehsās dāman-gīr rahtā hai

paḌe haiñ Dher saare kaam aur mohlat zarā hai

hamein har waqt ye ehsas daman-gir rahta hai

paDe hain Dher sare kaam aur mohlat zara si hai

Khurshid Talab

hazāroñ saal safar kar ke phir vahīñ pahuñche

bahut zamāna huā thā hameñ zamīñ se chale

hazaron sal safar kar ke phir wahin pahunche

bahut zamana hua tha hamein zamin se chale

Waheed Akhtar

jab aa jaatī hai duniyā ghuum phir kar apne markaz par

to vāpas lauT kar guzre zamāne kyuuñ nahīñ aate

jab aa jati hai duniya ghum phir kar apne markaz par

to wapas lauT kar guzre zamane kyun nahin aate

Ibrat Machlishahri

jaise do mulkoñ ko ik sarhad alag kartī huī

vaqt ne ḳhat aisā khīñchā mere us ke darmiyāñ

jaise do mulkon ko ek sarhad alag karti hui

waqt ne KHat aisa khincha mere us ke darmiyan

Mohsin Zaidi

kahīñ ye apnī mohabbat intihā to nahīñ

bahut dinoñ se tirī yaad bhī nahīñ aa.ī

kahin ye apni mohabbat ki intiha to nahin

bahut dinon se teri yaad bhi nahin aai

Ahmad Rahi

kahte haiñ umr-e-rafta kabhī lauTtī nahīñ

mai-kade se merī javānī uThā ke

tis said this fleeting life once gone never returns

go to the tavern and bring back my youth again

kahte hain umr-e-rafta kabhi lauTti nahin

ja mai-kade se meri jawani uTha ke la

tis said this fleeting life once gone never returns

go to the tavern and bring back my youth again

Abdul Hamid Adam

kal ham ā.īne meñ ruḳh jhurriyāñ dekhā kiye

kārvān-e-umr-e-rafta nishāñ dekhā kiye

kal hum aaine mein ruKH ki jhurriyan dekha kiye

karwan-e-umr-e-rafta ka nishan dekha kiye

Safi Lakhnavi

kaun Dūbegā kise paar utarnā hai 'zafar'

faisla vaqt ke dariyā meñ utar kar hogā

kaun Dubega kise par utarna hai 'zafar'

faisla waqt ke dariya mein utar kar hoga

Ahmad Zafar

kis tarah umr ko jaate dekhūñ

vaqt ko āñkhoñ se ojhal kar de

kis tarah umr ko jate dekhun

waqt ko aankhon se ojhal kar de

Faza Ibn e Faizi

koī Thahartā nahīñ yuuñ to vaqt ke aage

magar vo zaḳhm ki jis nishāñ nahīñ jaatā

koi Thaharta nahin yun to waqt ke aage

magar wo zaKHm ki jis ka nishan nahin jata

Farrukh Jafari

mohabbat meñ ik aisā vaqt bhī aatā hai insāñ par

sitāroñ chamak se choT lagtī hai rag-e-jāñ par

mohabbat mein ek aisa waqt bhi aata hai insan par

sitaron ki chamak se choT lagti hai rag-e-jaan par

Seemab Akbarabadi

mujhe tarāsh ke rakh lo ki aane vaalā vaqt

ḳhazaf dikhā ke guhar misāl pūchhegā

mujhe tarash ke rakh lo ki aane wala waqt

KHazaf dikha ke guhar ki misal puchhega

Faza Ibn e Faizi

na ibtidā ḳhabar hai na intihā ma.alūm

rahā ye vahm ki ham haiñ so vo bhī kyā ma.alūm

na ibtida ki KHabar hai na intiha malum

raha ye wahm ki hum hain so wo bhi kya malum

Fani Badayuni

rābta laakh sahī qāfila-sālār ke saath

ham ko chalnā hai magar vaqt raftār ke saath

rabta lakh sahi qafila-salar ke sath

hum ko chalna hai magar waqt ki raftar ke sath

Qateel Shifai

rakh diyā vaqt ne ā.īna banā kar mujh ko

rū-ba-rū hote hue bhī maiñ farāmosh rahā

rakh diya waqt ne aaina bana kar mujh ko

ru-ba-ru hote hue bhi main faramosh raha

Ghulam Murtaza Rahi

roke se kahīñ hādsa-e-vaqt rukā hai

sho.aloñ se bachā shahr to shabnam se jalā hai

roke se kahin hadsa-e-waqt ruka hai

shoalon se bacha shahr to shabnam se jala hai

Ali Ahmad Jalili

roz milne pe bhī lagtā thā ki jug biit ga.e

ishq meñ vaqt ehsās nahīñ rahtā hai

roz milne pe bhi lagta tha ki jug bit gae

ishq mein waqt ka ehsas nahin rahta hai

Ahmad Mushtaq

sab āsān huā jaatā hai

mushkil vaqt to ab aayā hai

sab aasan hua jata hai

mushkil waqt to ab aaya hai

Shariq Kaifi

sab kuchh to hai kyā DhūñDtī rahtī haiñ nigāheñ

kyā baat hai maiñ vaqt pe ghar kyuuñ nahīñ jaatā

sab kuchh to hai kya DhunDti rahti hain nigahen

kya baat hai main waqt pe ghar kyun nahin jata

Nida Fazli

sadā aish daurāñ dikhātā nahīñ

gayā vaqt phir haath aatā nahīñ

sada aish dauran dikhata nahin

gaya waqt phir hath aata nahin

Meer Hasan

safar pīchhe jānib hai qadam aage hai merā

maiñ būḌhā hotā jaatā huuñ javāñ hone ḳhātir

safar pichhe ki jaanib hai qadam aage hai mera

main buDha hota jata hun jawan hone ki KHatir

Zafar Iqbal

sail-e-zamāñ meñ Duub ga.e mash.hūr-e-zamāna log

vaqt ke munsif ne kab rakkhā qaa.em un naam

sail-e-zaman mein Dub gae mashhur-e-zamana log

waqt ke munsif ne kab rakkha qaem un ka nam

Anwar Sadeed

shorish-e-vaqt huī vaqt raftār meñ gum

din guzarte haiñ tire ḳhvāb ke āsār meñ gum

shorish-e-waqt hui waqt ki raftar mein gum

din guzarte hain tere KHwab ke aasar mein gum

Saeed Ahmad

sub.h hotī hai shaam hotī hai

umr yūñhī tamām hotī hai

subh hoti hai sham hoti hai

umr yunhi tamam hoti hai

Munshi Amirullah Tasleem

talātum aarzū meñ hai na tūfāñ justujū meñ hai

javānī guzar jaanā hai dariyā utar jaanā

talatum aarzu mein hai na tufan justuju mein hai

jawani ka guzar jaana hai dariya ka utar jaana

Tilok Chand Mahroom

mujhe bante bigaḌte hue ab ġhaur se dekh

vaqt kal chaak pe rahne de na rahne de mujhe

tu mujhe bante bigaDte hue ab ghaur se dekh

waqt kal chaak pe rahne de na rahne de mujhe

Khursheed Rizvi

tum chalo is ke saath na chalo

paañv rukte nahīñ zamāne ke

tum chalo is ke sath ya na chalo

panw rukte nahin zamane ke

Abul Mujahid Zahid

umr bhar milne nahīñ detī haiñ ab to ranjisheñ

vaqt ham se ruuTh jaane adā tak le gayā

umr bhar milne nahin deti hain ab to ranjishen

waqt hum se ruTh jaane ki ada tak le gaya

Fasih Akmal

un zikr un tamannā un yaad

vaqt kitnā qīmtī hai aaj kal

her mention, her yearning her memory

O how precious time now seems to me

un ka zikr un ki tamanna un ki yaad

waqt kitna qimti hai aaj kal

her mention, her yearning her memory

O how precious time now seems to me

Shakeel Badayuni

us vaqt hisāb kyā duuñ

jo tere baġhair kaT gayā hai

us waqt ka hisab kya dun

jo tere baghair kaT gaya hai

Ahmad Nadeem Qasmi

vaqt ab dastaras meñ hai 'aḳhtar'

ab to maiñ jis jahān tak ho aa.uuñ

waqt ab dastaras mein hai 'aKHtar'

ab to main jis jahan tak ho aaun

Akhtar Usman

vaqt achchhā bhī aa.egā 'nāsir'

ġham na kar zindagī paḌī hai abhī

waqt achchha bhi aaega 'nasir'

gham na kar zindagi paDi hai abhi

Nasir Kazmi

vaqt barbād karne vāloñ ko

vaqt barbād kar ke chhoḌegā

waqt barbaad karne walon ko

waqt barbaad kar ke chhoDega

Divakar Rahi

vaqt fursat de to mil baiTheñ kahīñ bāham do dam

ek muddat se diloñ meñ hasrat-e-tarfain hai

waqt fursat de to mil baiThen kahin baham do dam

ek muddat se dilon mein hasrat-e-tarfain hai

Shaikh Zahuruddin Hatim

vaqt har zaḳhm marham to nahīñ ban saktā

dard kuchh hote haiñ tā-umr rulāne vaale

waqt har zaKHm ka marham to nahin ban sakta

dard kuchh hote hain ta-umr rulane wale

Sada Ambalvi

vaqt jab karvaTeñ badaltā hai

fitna-e-hashr saath chaltā hai

waqt jab karwaTen badalta hai

fitna-e-hashr sath chalta hai

Anwar Sabri

vaqt patthar bhārī hotā jaatā hai

ham miTTī sūrat dete jaate haiñ

waqt ka patthar bhaari hota jata hai

hum miTTi ki surat dete jate hain

Baqi Siddiqui

Added to your favorites

Removed from your favorites