Husn Shayri

Beauty is a thing to see, observe, and enjoy. It is, however, too difficult to configure it in words. Poetry is an art of representing beauty which poets do with their well-chosen words and literary tools and figures of speech. Some examples that represent beauty can be seen here in this section.


info iconClick on any word for its meaning

ā.īna le ke dekh zarā apne husn ko


aa.egī ye bahār-e-gulistāñ ḳhizāñ meñ yaad

aa.ina dekh kar vo ye samjhe


mil gayā husn-e-be-misāl hameñ

aa.ina dekh ke kahte haiñ sañvarne vaale


aaj be-maut mareñge mire marne vaale

aao husn-e-yaar bāteñ kareñ


zulf ruḳhsār bāteñ kareñ

aap kyā aa.e ki ruḳhsat sab andhere ho ga.e


is qadar ghar meñ kabhī bhī raushnī dekhī na thī

aap lillāh na dekhā kareñ ā.īna kabhī


dil aa jaanā baḌī baat nahīñ hotī hai

aap nuur-afshāñ haiñ raat ke añdhere meñ


sitāre raqsāñ haiñ raat ke añdhere meñ

āsmān aur zamīñ hai tafāvut har-chand


ai sanam duur se chāñd mukhḌā dikhlā

āstīñ us ne jo kuhnī tak chaḌhā.ī vaqt-e-sub.h


aa rahī saare badan be-hijābī haath meñ

ab to tere husn har anjuman meñ dhuum hai


jis ne merā haal dekhā terā dīvāna huā

achchhī sūrat bhī kyā burī shai hai


jis ne Daalī burī nazar Daalī

achchhī sūrat nazar aate machal jaatā hai


kisī aafat meñ na Daale dil-e-nāshād mujhe

afsurdagī bhī husn hai tābindagī bhī husn


ham ko ḳhizāñ ne tum ko sañvārā bahār ne

agar aa jaa.e pahlū meñ 'qamar' vo maah-e-kāmil bhī


do aalam jagmagā uTTheñge dohrī chāñdnī hogī

ajab terī hai ai mahbūb sūrat


nazar se gir ga.e sab ḳhūbsūrat

allāh allāh husn ye parda-daarī dekhiye


bhed jis ne kholnā chāhā vo dīvāna huā

allāh-re sanam ye tirī ḳhud-numā.iyāñ


is husn-e-chand-roza pe itnā ġhurūr ho

allāh-rī jism-e-yaar ḳhūbī ki ḳhud-ba-ḳhud


rañgīniyoñ meñ Duub gayā pairahan tamām

Tag