Top 20 Visaal Shayari

ye na thī hamārī qismat ki visāl-e-yār hotā

agar aur jiite rahte yahī intizār hotā

ye na thi hamari qismat ki visal-e-yar hota

agar aur jite rahte yahi intizar hota

shab-e-visāl hai gul kar do in charāġhoñ ko

ḳhushī kī bazm meñ kyā kaam jalne vāloñ kā

shab-e-visal hai gul kar do in charaghon ko

KHushi ki bazm mein kya kaam jalne walon ka

vasl kā din aur itnā muḳhtasar

din gine jaate the is din ke liye

wasl ka din aur itna muKHtasar

din gine jate the is din ke liye

thī vasl meñ bhī fikr-e-judā.ī tamām shab

vo aa.e to bhī niiñd na aa.ī tamām shab

thi wasl mein bhi fikr-e-judai tamam shab

wo aae to bhi nind na aai tamam shab

badan ke donoñ kināroñ se jal rahā huuñ maiñ

ki chhū rahā huuñ tujhe aur pighal rahā huuñ maiñ

badan ke donon kinaron se jal raha hun main

ki chhu raha hun tujhe aur pighal raha hun main

zarā visāl ke ba.ad aa.ina to dekh ai dost

tire jamāl kī doshīzgī nikhar aa.ī

zara visal ke baad aaina to dekh ai dost

tere jamal ki doshizgi nikhar aai

vasl meñ rañg uḌ gayā merā

kyā judā.ī ko muñh dikhā.ūñgā

wasl mein rang uD gaya mera

kya judai ko munh dikhaunga

guzarne hī na dī vo raat maiñ ne

ghaḌī par rakh diyā thā haath maiñ ne

guzarne hi na di wo raat main ne

ghaDi par rakh diya tha hath main ne

vo gale se lipaT ke sote haiñ

āj-kal garmiyāñ haiñ jāḌoñ meñ

wo gale se lipaT ke sote hain

aaj-kal garmiyan hain jaDon mein

visāl-e-yār kī ḳhvāhish meñ aksar

charāġh-e-shām se pahle jalā huuñ

visal-e-yar ki KHwahish mein aksar

charagh-e-sham se pahle jala hun

ik raat dil-jaloñ ko ye aish-e-visāl de

phir chāhe āsmān jahannam meñ Daal de

ek raat dil-jalon ko ye aish-e-visal de

phir chahe aasman jahannam mein Dal de

vo mirī ruuh kī uljhan kā sabab jāntā hai

jism kī pyaas bujhāne pe bhī raazī niklā

wo meri ruh ki uljhan ka sabab jaanta hai

jism ki pyas bujhane pe bhi raazi nikla

vasl hotā hai jin ko duniyā meñ

yārab aise bhī log hote haiñ

wasl hota hai jin ko duniya mein

yarab aise bhi log hote hain

milne kī ye kaun ghaḌī thī

bāhar hijr kī raat khaḌī thī

milne ki ye kaun ghaDi thi

bahar hijr ki raat khaDi thi

jab zikr kiyā maiñ ne kabhī vasl kā un se

vo kahne lage paak mohabbat hai baḌī chiiz

jab zikr kiya main ne kabhi wasl ka un se

wo kahne lage pak mohabbat hai baDi chiz

us kī qurbat kā nasha kyā chiiz hai

haath phir jalte tave par rakh diyā

us ki qurbat ka nasha kya chiz hai

hath phir jalte tawe par rakh diya

sūrat-e-vasl nikaltī kisī tadbīr ke saath

merī tasvīr hī khiñchtī tirī tasvīr ke saath

surat-e-wasl nikalti kisi tadbir ke sath

meri taswir hi khinchti teri taswir ke sath

vasl kī shab thī aur ujāle kar rakkhe the

jism o jaañ sab us ke havāle kar rakkhe the

wasl ki shab thi aur ujale kar rakkhe the

jism o jaan sab us ke hawale kar rakkhe the

bas ek lamha tire vasl kā mayassar ho

aur us visāl ke lamhe ko dā.imī kiyā jaa.e

bas ek lamha tere wasl ka mayassar ho

aur us visal ke lamhe ko daimi kiya jae

maiñ apne jism kī sargoshiyoñ ko suntā huuñ

tire visāl kī saa.at nikaltī jaatī hai

main apne jism ki sargoshiyon ko sunta hun

tere visal ki saat nikalti jati hai