Top 20 Visaal Shayari

We all nurse a desire for union but desires would not to be desires if they were fulfilled. In poetry, a lover lives with the burning desire for union which remains unfulfilled at large. Here, we have collected some verses that narrate the told and untold stories of separation and union. There are certain turns here that will take you by surprise

ye na thī hamārī qismat ki visāl-e-yār hotā

agar aur jiite rahte yahī intizār hotā

ye na thi hamari qismat ki visal-e-yar hota

agar aur jite rahte yahi intizar hota

Mirza Ghalib

vasl din aur itnā muḳhtasar

din gine jaate the is din ke liye

wasl ka din aur itna muKHtasar

din gine jate the is din ke liye

Ameer Minai

shab-e-visāl hai gul kar do in charāġhoñ ko

ḳhushī bazm meñ kyā kaam jalne vāloñ

shab-e-visal hai gul kar do in charaghon ko

KHushi ki bazm mein kya kaam jalne walon ka

Dagh Dehlvi

zarā visāl ke ba.ad aa.ina to dekh ai dost

tire jamāl doshīzgī nikhar aa.ī

zara visal ke baad aaina to dekh ai dost

tere jamal ki doshizgi nikhar aai

Firaq Gorakhpuri

vasl meñ rañg uḌ gayā merā

kyā judā.ī ko muñh dikhā.ūñgā

wasl mein rang uD gaya mera

kya judai ko munh dikhaunga

Meer Taqi Meer

guzarne na vo raat maiñ ne

ghaḌī par rakh diyā thā haath maiñ ne

guzarne hi na di wo raat main ne

ghaDi par rakh diya tha hath main ne

Shahzad Ahmad

thī vasl meñ bhī fikr-e-judā.ī tamām shab

vo aa.e to bhī niiñd na aa.ī tamām shab

thi wasl mein bhi fikr-e-judai tamam shab

wo aae to bhi nind na aai tamam shab

Momin Khan Momin

badan ke donoñ kināroñ se jal rahā huuñ maiñ

ki chhū rahā huuñ tujhe aur pighal rahā huuñ maiñ

badan ke donon kinaron se jal raha hun main

ki chhu raha hun tujhe aur pighal raha hun main

Irfan Siddiqi

milne ye kaun ghaḌī thī

bāhar hijr raat khaḌī thī

milne ki ye kaun ghaDi thi

bahar hijr ki raat khaDi thi

Ahmad Mushtaq

vo mirī ruuh uljhan sabab jāntā hai

jism pyaas bujhāne pe bhī raazī niklā

wo meri ruh ki uljhan ka sabab jaanta hai

jism ki pyas bujhane pe bhi raazi nikla

Saqi Faruqi

jab zikr kiyā maiñ ne kabhī vasl un se

vo kahne lage paak mohabbat hai baḌī chiiz

jab zikr kiya main ne kabhi wasl ka un se

wo kahne lage pak mohabbat hai baDi chiz

Nooh Narvi

ik raat dil-jaloñ ko ye aish-e-visāl de

phir chāhe āsmān jahannam meñ Daal de

just one night give these deprived the joy of company

thereafter if you wish merge paradise and purgatory

ek raat dil-jalon ko ye aish-e-visal de

phir chahe aasman jahannam mein Dal de

just one night give these deprived the joy of company

thereafter if you wish merge paradise and purgatory

Jalal Lakhnavi

vo gale se lipaT ke sote haiñ

āj-kal garmiyāñ haiñ jāḌoñ meñ

wo gale se lipaT ke sote hain

aaj-kal garmiyan hain jaDon mein

Muztar Khairabadi

vasl shab thī aur ujāle kar rakkhe the

jism o jaañ sab us ke havāle kar rakkhe the

wasl ki shab thi aur ujale kar rakkhe the

jism o jaan sab us ke hawale kar rakkhe the

Haidar Qureshi

us qurbat nasha kyā chiiz hai

haath phir jalte tave par rakh diyā

us ki qurbat ka nasha kya chiz hai

hath phir jalte tawe par rakh diya

Faza Ibn e Faizi

bas ek lamha tire vasl mayassar ho

aur us visāl ke lamhe ko dā.imī kiyā jaa.e

bas ek lamha tere wasl ka mayassar ho

aur us visal ke lamhe ko daimi kiya jae

Hammad Niyazi

sūrat-e-vasl nikaltī kisī tadbīr ke saath

merī tasvīr khiñchtī tirī tasvīr ke saath

surat-e-wasl nikalti kisi tadbir ke sath

meri taswir hi khinchti teri taswir ke sath

Unknown

visāl-e-yār ḳhvāhish meñ aksar

charāġh-e-shām se pahle jalā huuñ

visal-e-yar ki KHwahish mein aksar

charagh-e-sham se pahle jala hun

Alamtaab Tishna

maiñ apne jism sargoshiyoñ ko suntā huuñ

tire visāl saa.at nikaltī jaatī hai

main apne jism ki sargoshiyon ko sunta hun

tere visal ki saat nikalti jati hai

Shahryar

vasl hotā hai jin ko duniyā meñ

yārab aise bhī log hote haiñ

wasl hota hai jin ko duniya mein

yarab aise bhi log hote hain

Meer Hasan

Added to your favorites

Removed from your favorites